సోపాధికస్య వ్యాప్త్యసమ్భవమ్ అభిప్రేత్య విశినష్టి -

మమేతి ।

అనవచ్ఛిన్నస్య భగవద్రూపస్య నిరుపాధికత్వమేవ సాధయతి -

కరణేతి ।

వ్యాప్యవ్యాపకత్వేన జగతో భగవతశ్చ పరిచ్ఛేదమాశఙ్క్య, ఆహ -

తస్మిన్నితి ।

తథాపి భగవతో భూతానాఞ్చ ఆధారాధేయత్వేన భేదః స్యాత్ , ఇత్యాశఙ్క్య, ఆహ -

నహీతి ।

నిరాత్మకస్య వ్యవహారానర్హత్వే ఫలితమాహ -

అత ఇతి ।

ఈశ్వరస్య భూతాత్మత్వే తేషు స్థితిః స్యాత్ , ఇత్యాశఙ్క్య, ఆహ -

తేషామితి ।

తస్య తేషు స్థిత్యభావం వ్యవస్థాపయతి -

మూర్తవదితి ।

సంశ్లేషాభావేఽపి కిమితి న ఆధేయత్వమ్ , అత ఆహ -

నహీతి

॥ ౪ ॥