ಶ್ರೀಮದ್ಭಗವದ್ಗೀತಾಭಾಷ್ಯಮ್
ನವಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸರ್ವಭೂತಾನಿ ಕೌಂತೇಯ ಪ್ರಕೃತಿಂ ಯಾಂತಿ ಮಾಮಿಕಾಮ್ ।
ಕಲ್ಪಕ್ಷಯೇ ಪುನಸ್ತಾನಿ ಕಲ್ಪಾದೌ ವಿಸೃಜಾಮ್ಯಹಮ್ ॥ ೭ ॥
ಸರ್ವಭೂತಾನಿ ಕೌಂತೇಯ ಪ್ರಕೃತಿಂ ತ್ರಿಗುಣಾತ್ಮಿಕಾಮ್ ಅಪರಾಂ ನಿಕೃಷ್ಟಾಂ ಯಾಂತಿ ಮಾಮಿಕಾಂ ಮದೀಯಾಂ ಕಲ್ಪಕ್ಷಯೇ ಪ್ರಲಯಕಾಲೇ । ಪುನಃ ಭೂಯಃ ತಾನಿ ಭೂತಾನಿ ಉತ್ಪತ್ತಿಕಾಲೇ ಕಲ್ಪಾದೌ ವಿಸೃಜಾಮಿ ಉತ್ಪಾದಯಾಮಿ ಅಹಂ ಪೂರ್ವವತ್ ॥ ೭ ॥
ಸರ್ವಭೂತಾನಿ ಕೌಂತೇಯ ಪ್ರಕೃತಿಂ ಯಾಂತಿ ಮಾಮಿಕಾಮ್ ।
ಕಲ್ಪಕ್ಷಯೇ ಪುನಸ್ತಾನಿ ಕಲ್ಪಾದೌ ವಿಸೃಜಾಮ್ಯಹಮ್ ॥ ೭ ॥
ಸರ್ವಭೂತಾನಿ ಕೌಂತೇಯ ಪ್ರಕೃತಿಂ ತ್ರಿಗುಣಾತ್ಮಿಕಾಮ್ ಅಪರಾಂ ನಿಕೃಷ್ಟಾಂ ಯಾಂತಿ ಮಾಮಿಕಾಂ ಮದೀಯಾಂ ಕಲ್ಪಕ್ಷಯೇ ಪ್ರಲಯಕಾಲೇ । ಪುನಃ ಭೂಯಃ ತಾನಿ ಭೂತಾನಿ ಉತ್ಪತ್ತಿಕಾಲೇ ಕಲ್ಪಾದೌ ವಿಸೃಜಾಮಿ ಉತ್ಪಾದಯಾಮಿ ಅಹಂ ಪೂರ್ವವತ್ ॥ ೭ ॥

ಪ್ರಕೃತಿಶಬ್ದಸ್ಯ ಸ್ವಭಾವವಚನತ್ವಂ ವ್ಯಾವರ್ತಯತಿ -

ತ್ರಿಗುಣಾತ್ಮಿಕಾಮಿತಿ ।

ಸಾ ಚ ಅಪರೇಯಂ, ಇತಿ ಪ್ರಾಗೇವ ಸೂಚಿತಾ, ಇತ್ಯಾಹ -

ಅಪರಾಮಿತಿ ।

ತಸ್ಯಾಶ್ಚ ಈಶ್ವರಾಧೀನತ್ವೇನ ಅಸ್ವಾತಂತ್ರ್ಯಮಾಹ –

ಮದೀಯಾಮಿತಿ ।

ಪ್ರळಯಕಾಲೇ ಭೂತಾನಿ ಯಥೋಕ್ತಾಂ ಪ್ರಕೃತಿಂ ಯಾಂತಿ ಚೇತ್ ಉತ್ಪತ್ತಿಕಾಲೇಽಪಿ ತತಸ್ತೇಷಾಮ್ ಉತ್ಪತ್ತೇಃ ಈಶ್ವರಾಧೀನತ್ವಂ ಭೂತಸೃಷ್ಟೇಃ ನ ಸ್ಯಾತ್ , ಇತ್ಯಾಶಂಕ್ಯ, ಆಹ -

ಪುನರಿತಿ

॥ ೭ ॥