అహం క్రతురహం యజ్ఞః స్వధాహమహమౌషధమ్ ।
మన్త్రోఽహమహమేవాజ్యమహమగ్నిరహం హుతమ్ ॥ ౧౬ ॥
అహం క్రతుః శ్రౌతకర్మభేదః అహమేవ । అహం యజ్ఞః స్మార్తః । కిఞ్చ స్వధా అన్నమ్ అహమ్ , పితృభ్యో యత్ దీయతే । అహమ్ ఔషధం సర్వప్రాణిభిః యత్ అద్యతే తత్ ఔషధశబ్దశబ్దితం వ్రీహియవాదిసాధారణమ్ । అథవా స్వధా ఇతి సర్వప్రాణిసాధారణమ్ అన్నమ్ , ఔషధమ్ ఇతి వ్యాధ్యుపశమనార్థం భేషజమ్ । మన్త్రః అహమ్ , యేన పితృభ్యో దేవతాభ్యశ్చ హవిః దీయతే । అహమేవ ఆజ్యం హవిశ్చ । అహమ్ అగ్నిః, యస్మిన్ హూయతే హవిః సః అగ్నిః అహమ్ । అహం హుతం హవనకర్మ చ ॥ ౧౬ ॥
అహం క్రతురహం యజ్ఞః స్వధాహమహమౌషధమ్ ।
మన్త్రోఽహమహమేవాజ్యమహమగ్నిరహం హుతమ్ ॥ ౧౬ ॥
అహం క్రతుః శ్రౌతకర్మభేదః అహమేవ । అహం యజ్ఞః స్మార్తః । కిఞ్చ స్వధా అన్నమ్ అహమ్ , పితృభ్యో యత్ దీయతే । అహమ్ ఔషధం సర్వప్రాణిభిః యత్ అద్యతే తత్ ఔషధశబ్దశబ్దితం వ్రీహియవాదిసాధారణమ్ । అథవా స్వధా ఇతి సర్వప్రాణిసాధారణమ్ అన్నమ్ , ఔషధమ్ ఇతి వ్యాధ్యుపశమనార్థం భేషజమ్ । మన్త్రః అహమ్ , యేన పితృభ్యో దేవతాభ్యశ్చ హవిః దీయతే । అహమేవ ఆజ్యం హవిశ్చ । అహమ్ అగ్నిః, యస్మిన్ హూయతే హవిః సః అగ్నిః అహమ్ । అహం హుతం హవనకర్మ చ ॥ ౧౬ ॥