प्रभुरेव च इत्युक्तं विवृणोति -

मत्स्वामिको हीति ।

तत्र पूर्वाध्यायगतवाक्यं प्रमाणयति -

अधियज्ञोऽहमिति ।

तथापि देवतान्तरयाजिनां यजनम् अविधिपूर्वकम् इति कुतस्सिद्धम् ? तत्र आह -

तथेति ।

ममैव यज्ञेषु भोक्तृत्वे प्रभुत्वे च सति, इति यावत् ।

तयोः भोक्तृप्रभ्वोः भावः तत्वम् । तेन - भोक्तृत्वेन प्रभुत्वेन च, माम् यथावत् यतो न जानन्ति, अतो भोक्तृत्वादिना मम अज्ञानात् मय्यनर्पितकर्माणः च्यवन्ते कर्मफलात् इत्याह -

अतश्चेति

॥ २४ ॥