अद्वैतशारदा | दक्षिणाम्नाय श्रीशारदापीठम्, शृङ्गेरी

శుభాశుభఫలైరేవం
మోక్ష్యసే కర్మబన్ధనైః ।
సంన్యాసయోగయుక్తాత్మా
విముక్తో మాముపైష్యసి ॥ ౨౮ ॥

శుభాశుభఫలైః శుభాశుభే ఇష్టానిష్టే ఫలే యేషాం తాని శుభాశుభఫలాని కర్మాణి తైః శుభాశుభఫలైః కర్మబన్ధనైః కర్మాణ్యేవ బన్ధనాని కర్మబన్ధనాని తైః కర్మబన్ధనైః ఎవం మదర్పణం కుర్వన్ మోక్ష్యసే । సోఽయం సంన్యాసయోగో నామ, సంన్యాసశ్చ అసౌ మత్సమర్పణతయా కర్మత్వాత్ యోగశ్చ అసౌ ఇతి, తేన సంన్యాసయోగేన యుక్తః ఆత్మా అన్తఃకరణం యస్య తవ సః త్వం సంన్యాసయోగయుక్తాత్మా సన్ విముక్తః కర్మబన్ధనైః జీవన్నేవ పతితే చాస్మిన్ శరీరే మామ్ ఉపైష్యసి ఆగమిష్యసి ॥ ౨౮ ॥

శుభేత్యాదినా ; సోఽయమితి ;

భగవదర్పణబుద్ద్యా సర్వకర్మ కుర్వతో జీవన్ముక్తస్య ప్రారబ్ధకర్మావసానే విదేహకైవల్యమావశ్యకమ్ , ఇత్యాహ -

శుభేత్యాదినా ।

భగవదర్పణకరణాత్ ముక్తిః సంన్యాసయోగాచ్చ, ఇతి సాధనద్వయశఙ్కాం శాతయతి

సోఽయమితి

॥ ౨౮ ॥