ಶ್ರೀಮದ್ಭಗವದ್ಗೀತಾಭಾಷ್ಯಮ್
ನವಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸಮೋಽಹಂ ಸರ್ವಭೂತೇಷು
ನ ಮೇ ದ್ವೇಷ್ಯೋಽಸ್ತಿ ನ ಪ್ರಿಯಃ ।
ಯೇ ಭಜಂತಿ ತು ಮಾಂ ಭಕ್ತ್ಯಾ
ಮಯಿ ತೇ ತೇಷು ಚಾಪ್ಯಹಮ್ ॥ ೨೯ ॥
ಸಮಃ ತುಲ್ಯಃ ಅಹಂ ಸರ್ವಭೂತೇಷು । ನ ಮೇ ದ್ವೇಷ್ಯಃ ಅಸ್ತಿ ನ ಪ್ರಿಯಃ । ಅಗ್ನಿವತ್ ಅಹಮ್ — ದೂರಸ್ಥಾನಾಂ ಯಥಾ ಅಗ್ನಿಃ ಶೀತಂ ನ ಅಪನಯತಿ, ಸಮೀಪಮ್ ಉಪಸರ್ಪತಾಂ ಅಪನಯತಿ ; ತಥಾ ಅಹಂ ಭಕ್ತಾನ್ ಅನುಗೃಹ್ಣಾಮಿ, ನ ಇತರಾನ್ । ಯೇ ಭಜಂತಿ ತು ಮಾಮ್ ಈಶ್ವರಂ ಭಕ್ತ್ಯಾ ಮಯಿ ತೇ — ಸ್ವಭಾವತ ಏವ, ನ ಮಮ ರಾಗನಿಮಿತ್ತಮ್ — ವರ್ತಂತೇ । ತೇಷು ಚ ಅಪಿ ಅಹಂ ಸ್ವಭಾವತ ಏವ ವರ್ತೇ, ನ ಇತರೇಷು । ನ ಏತಾವತಾ ತೇಷು ದ್ವೇಷೋ ಮಮ ॥ ೨೯ ॥
ಸಮೋಽಹಂ ಸರ್ವಭೂತೇಷು
ನ ಮೇ ದ್ವೇಷ್ಯೋಽಸ್ತಿ ನ ಪ್ರಿಯಃ ।
ಯೇ ಭಜಂತಿ ತು ಮಾಂ ಭಕ್ತ್ಯಾ
ಮಯಿ ತೇ ತೇಷು ಚಾಪ್ಯಹಮ್ ॥ ೨೯ ॥
ಸಮಃ ತುಲ್ಯಃ ಅಹಂ ಸರ್ವಭೂತೇಷು । ನ ಮೇ ದ್ವೇಷ್ಯಃ ಅಸ್ತಿ ನ ಪ್ರಿಯಃ । ಅಗ್ನಿವತ್ ಅಹಮ್ — ದೂರಸ್ಥಾನಾಂ ಯಥಾ ಅಗ್ನಿಃ ಶೀತಂ ನ ಅಪನಯತಿ, ಸಮೀಪಮ್ ಉಪಸರ್ಪತಾಂ ಅಪನಯತಿ ; ತಥಾ ಅಹಂ ಭಕ್ತಾನ್ ಅನುಗೃಹ್ಣಾಮಿ, ನ ಇತರಾನ್ । ಯೇ ಭಜಂತಿ ತು ಮಾಮ್ ಈಶ್ವರಂ ಭಕ್ತ್ಯಾ ಮಯಿ ತೇ — ಸ್ವಭಾವತ ಏವ, ನ ಮಮ ರಾಗನಿಮಿತ್ತಮ್ — ವರ್ತಂತೇ । ತೇಷು ಚ ಅಪಿ ಅಹಂ ಸ್ವಭಾವತ ಏವ ವರ್ತೇ, ನ ಇತರೇಷು । ನ ಏತಾವತಾ ತೇಷು ದ್ವೇಷೋ ಮಮ ॥ ೨೯ ॥

ತರ್ಹಿ, ಭಗವದ್ಭಜನಮ್ ಅಕಿಂಚಿತ್ಕರಮ್ , ಇತ್ಯಾಶಂಕ್ಯ, ಆಹ -

ಅಗ್ನಿವದಿತಿ ।

ತತ್ ಪ್ರಪಂಚಯತಿ -

ಯಥೇತಿ ।

ಭಕ್ತಾನ್ ಅಭಕ್ತಾಂಶ್ಚ ಅನುಗೃಹ್ಣ್ತಃ । ಅನನುಗೃಹ್ಣ್ತಶ್ಚ ಭಗವತೋ ನ ಕಥಂ ರಾಗಾದಿಮತ್ವಮ್ ? ಇತ್ಯಾಶಂಕ್ಯ, ಆಹ -

ಯೇ ಭಜಂತೀತಿ ।

ಯೇ ವರ್ಣಾಶ್ರಿಮಾದಿಧರ್ಮೈಃ ಮಾಂ ಭಜಂತಿ ತೇ ತೇನೈವ ಭಜನೇನ ಅಚಿಂತ್ಯಮಾಹಾತ್ಮ್ಯೇನ ಪರಿಶುದ್ಧಬುದ್ಧಯಃ ಮಯಿ - ಮತ್ಸಪೀಪೇ, ವರ್ತಂತೇ - ಮದಭಿವ್ಯಕ್ತಿಯೋಗ್ಯಚಿತ್ತಾ ಭವಂತಿ । ತುಶಬ್ದಃ ಅಸ್ಯ ವಿಶೇಷಸ್ಯ ದ್ಯೋತನಾರ್ಥಃ । ತೇಷು ಚ ಸಮೀಪೇ ತೇಷಾಮ್ ಅಹಮಪಿ ಸ್ವಭಾವತೋ ವರ್ತಮಾನಃ ತದನುಗ್ರಹಪರೋ ಭವಾಮಿ । ಯಥಾ ವ್ಯಾಪಕಮ್ ಅಪಿ ಸಾವಿತ್ರಂ ತೇಜಃ ಸ್ವಚ್ಛೇ ದರ್ಪಣಾದೌ ಪ್ರತಿಫಲತಿ, ತಥಾ ಪರಮೇಶ್ವರಃ ಅವರ್ಜನೀಯತಯಾ ಭಕ್ತಿನಿರಸ್ತಸಮಸ್ತಕಲುಷಸತ್ತ್ವೇಷು ಪುರುಷೇಷು ಸನ್ನಿಧತ್ತೇ, ದೈವೀಂ ಪ್ರಕೃತಿಮ್ ಆಶ್ರಿತಾಃ ಮಾಂ ಭಜಂತಿ, ಇತ್ಯುಕ್ತತ್ವಾತ್ - ಇತ್ಯರ್ಥಃ

॥ ೨೯ ॥