తర్హి, భగవద్భజనమ్ అకిఞ్చిత్కరమ్ , ఇత్యాశఙ్క్య, ఆహ -

అగ్నివదితి ।

తత్ ప్రపఞ్చయతి -

యథేతి ।

భక్తాన్ అభక్తాంశ్చ అనుగృహ్ణ్తః । అననుగృహ్ణ్తశ్చ భగవతో న కథం రాగాదిమత్వమ్ ? ఇత్యాశఙ్క్య, ఆహ -

యే భజన్తీతి ।

యే వర్ణాశ్రిమాదిధర్మైః మాం భజన్తి తే తేనైవ భజనేన అచిన్త్యమాహాత్మ్యేన పరిశుద్ధబుద్ధయః మయి - మత్సపీపే, వర్తన్తే - మదభివ్యక్తియోగ్యచిత్తా భవన్తి । తుశబ్దః అస్య విశేషస్య ద్యోతనార్థః । తేషు చ సమీపే తేషామ్ అహమపి స్వభావతో వర్తమానః తదనుగ్రహపరో భవామి । యథా వ్యాపకమ్ అపి సావిత్రం తేజః స్వచ్ఛే దర్పణాదౌ ప్రతిఫలతి, తథా పరమేశ్వరః అవర్జనీయతయా భక్తినిరస్తసమస్తకలుషసత్త్వేషు పురుషేషు సన్నిధత్తే, దైవీం ప్రకృతిమ్ ఆశ్రితాః మాం భజన్తి, ఇత్యుక్తత్వాత్ - ఇత్యర్థః

॥ ౨౯ ॥