ಅಧ್ಯಾಯದ್ವಯೇ ಸಿದ್ಧಮ್ ಅರ್ಥ ಸಂಕ್ಷೇಪತೋಽನುಭಾಷತೇ -

ಸಪ್ತಮೇತಿ ।

ತತ್ತ್ವಂ ಸೋಪಾಧಿಕಂ ನಿರುಪಾಧಿಕಂಚ । ವಿಭೂತಯಃ - ಸವಿಶೇಷನಿರ್ವಿಶೇಷರೂಪಪ್ರತಿಪತ್ತ್ಯುಪಯೋಗಿನ್ಯಃ ।

ಉತ್ತರಾಧ್ಯಾಯಸ್ಯ ಅಧ್ಯಾಯದ್ವಯೇನ ಸಂಬಂಧಂ ವದನ್ ಅಧ್ಯಾಯಾಂತರಮ್ ಅವತಾರಯತಿ -

ಅಥೇತಿ ।

ವಕ್ತವ್ಯಾಃ ಸವಿಶೇಷಧ್ಯಾನೇ ನಿರ್ವಿಶೇಷಪ್ರತಿಪತ್ತೌ ಚ ಶೇಷತ್ವೇನ, ಇತಿ ಶೇಷಃ ।

ನನು ಸವಿಶೇಷಂ ನಿರ್ವಿಶೇಷಂ ಚ ಭಗವತೋ ರೂಪಂ ಪ್ರಾಗೇವ ತತ್ರ ತತ್ರ ಉಕ್ತಮ್ । ತತ್ಕಿಮಿತಿ ಪುನಃ ಉಚ್ಯತೇ, ತತ್ರ ಆಹ -

ಉಕ್ತಮಪೀತಿ ।

ತದ್ಯದಿ ತತ್ರ ತತ್ರ ತತ್ತ್ವಮ್ ಉಕ್ತಮ್ , ತಯಾಪಿ ಪುನರ್ವಕ್ತವ್ಯಂ ದುರ್ಜ್ಞೇಯತ್ವಾತ್ , ಇತಿ ಯತಃ ಮನ್ಯತೇ, ಅತಃ ಇತಿ ಯೋಜನಾ ।