అధ్యాయద్వయే సిద్ధమ్ అర్థ సఙ్క్షేపతోఽనుభాషతే -

సప్తమేతి ।

తత్త్వం సోపాధికం నిరుపాధికఞ్చ । విభూతయః - సవిశేషనిర్విశేషరూపప్రతిపత్త్యుపయోగిన్యః ।

ఉత్తరాధ్యాయస్య అధ్యాయద్వయేన సమ్బన్ధం వదన్ అధ్యాయాన్తరమ్ అవతారయతి -

అథేతి ।

వక్తవ్యాః సవిశేషధ్యానే నిర్విశేషప్రతిపత్తౌ చ శేషత్వేన, ఇతి శేషః ।

నను సవిశేషం నిర్విశేషం చ భగవతో రూపం ప్రాగేవ తత్ర తత్ర ఉక్తమ్ । తత్కిమితి పునః ఉచ్యతే, తత్ర ఆహ -

ఉక్తమపీతి ।

తద్యది తత్ర తత్ర తత్త్వమ్ ఉక్తమ్ , తయాపి పునర్వక్తవ్యం దుర్జ్ఞేయత్వాత్ , ఇతి యతః మన్యతే, అతః ఇతి యోజనా ।