ఈశ్వరాత్ ప్రతీచః ప్రగుక్తాత్ అన్యత్ర  చిత్తప్రచారరాహిత్యం భగవద్భజనోపాయమ్ ఆహ -

మయీతి ।

చక్షురాదీనాం భగవతి అప్రాప్తిః, తదగోచరత్వాత్ తస్య, ఇత్యాశఙ్క్య, ఆహ -

మయ్యుపసంహృతేతి ।

భగవదతిరేకేణ జీవనేఽపి న ఆదరః । తదపి మయ్యేవ అర్పితం భక్తానామ్ , ఇత్యాహ -

అథవేతి ।

ఆచార్యేభ్యః శ్రుత్వా, వాదకథయా పరస్పరం భగవన్తం సబ్రహ్మచారిణో బోధయన్తి । తదపి భగవద్భజనసాధనమ్ , ఇత్యాహ -

బోధయన్త ఇతి ।

ఆగమోపపత్తిభ్యాం భగవన్తమేవ విశిష్టధర్మాణం శిష్యేభ్యో గురవో వ్యుపదిశన్తి । తదపి భగవద్భజనమేవ, ఇత్యాహ -

కథయన్త ఇతి ।

భక్తానాం తుష్టిరతీ స్వరసతః స్యాతామ్ ఇత్యాహ -

తుష్యన్తీతి ।

మనోరథపూర్త్యా రతిప్రాప్తౌ కాముకసమ్మతమ్ ఉదాహరణమ్ ఆహ -

ప్రియేతి

॥ ౯ ॥