ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅಹಮಾತ್ಮಾ ಗುಡಾಕೇಶ ಸರ್ವಭೂತಾಶಯಸ್ಥಿತಃ ।
ಅಹಮಾದಿಶ್ಚ ಮಧ್ಯಂ ಚ ಭೂತಾನಾಮಂತ ಏವ ಚ ॥ ೨೦ ॥
ಅಹಮ್ ಆತ್ಮಾ ಪ್ರತ್ಯಗಾತ್ಮಾ ಗುಡಾಕೇಶ, ಗುಡಾಕಾ ನಿದ್ರಾ ತಸ್ಯಾಃ ಈಶಃ ಗುಡಾಕೇಶಃ, ಜಿತನಿದ್ರಃ ಇತ್ಯರ್ಥಃ ; ಘನಕೇಶ ಇತಿ ವಾ । ಸರ್ವಭೂತಾಶಯಸ್ಥಿತಃ ಸರ್ವೇಷಾಂ ಭೂತಾನಾಮ್ ಆಶಯೇ ಅಂತರ್ಹೃದಿ ಸ್ಥಿತಃ ಅಹಮ್ ಆತ್ಮಾ ಪ್ರತ್ಯಗಾತ್ಮಾ ನಿತ್ಯಂ ಧ್ಯೇಯಃ । ತದಶಕ್ತೇನ ಚ ಉತ್ತರೇಷು ಭಾವೇಷು ಚಿಂತ್ಯಃ ಅಹಮ್ ; ಯಸ್ಮಾತ್ ಅಹಮ್ ಏವ ಆದಿಃ ಭೂತಾನಾಂ ಕಾರಣಂ ತಥಾ ಮಧ್ಯಂ ಚ ಸ್ಥಿತಿಃ ಅಂತಃ ಪ್ರಲಯಶ್ಚ ॥ ೨೦ ॥
ಅಹಮಾತ್ಮಾ ಗುಡಾಕೇಶ ಸರ್ವಭೂತಾಶಯಸ್ಥಿತಃ ।
ಅಹಮಾದಿಶ್ಚ ಮಧ್ಯಂ ಚ ಭೂತಾನಾಮಂತ ಏವ ಚ ॥ ೨೦ ॥
ಅಹಮ್ ಆತ್ಮಾ ಪ್ರತ್ಯಗಾತ್ಮಾ ಗುಡಾಕೇಶ, ಗುಡಾಕಾ ನಿದ್ರಾ ತಸ್ಯಾಃ ಈಶಃ ಗುಡಾಕೇಶಃ, ಜಿತನಿದ್ರಃ ಇತ್ಯರ್ಥಃ ; ಘನಕೇಶ ಇತಿ ವಾ । ಸರ್ವಭೂತಾಶಯಸ್ಥಿತಃ ಸರ್ವೇಷಾಂ ಭೂತಾನಾಮ್ ಆಶಯೇ ಅಂತರ್ಹೃದಿ ಸ್ಥಿತಃ ಅಹಮ್ ಆತ್ಮಾ ಪ್ರತ್ಯಗಾತ್ಮಾ ನಿತ್ಯಂ ಧ್ಯೇಯಃ । ತದಶಕ್ತೇನ ಚ ಉತ್ತರೇಷು ಭಾವೇಷು ಚಿಂತ್ಯಃ ಅಹಮ್ ; ಯಸ್ಮಾತ್ ಅಹಮ್ ಏವ ಆದಿಃ ಭೂತಾನಾಂ ಕಾರಣಂ ತಥಾ ಮಧ್ಯಂ ಚ ಸ್ಥಿತಿಃ ಅಂತಃ ಪ್ರಲಯಶ್ಚ ॥ ೨೦ ॥

ಆಶೇರತೇ ಅಸ್ಮಿನ್ ವಿದ್ಯಾಕರ್ಮಪೂರ್ವಪ್ರಜ್ಞಾ ಇತಿ ಆಶಯಃ - ಹೃದಯಮ್ , ಸರ್ವೇಷಾಂ ಭೂತಾನಾಂ ಹೃದಯೇ ಅಂತಃಸ್ಥಿತೋ ಯಃ ಪ್ರತ್ಯಗಾತ್ಮಾ ಸಃ ಅಹಮೇವ ಇತಿ ವಾಕ್ಯಾರ್ಥಮ್ ಆಹ -

ಸರ್ವೇಷಾಮ್ ಇತಿ ।

ಯಸ್ತು ಮಂದೋ ಮಧ್ಯಮೋ ವಾ ಪರಮಾತ್ಮಾನಮ್ ಆತ್ಮತ್ವೇನ ಧ್ಯಾತುಂ ನಾಲಮ್ , ತಂ ಪ್ರತಿ ಆಹ -

ತದಶಕ್ತೇನೇತಿ ।

ವಕ್ಷ್ಯಮಾಣಾದಿತ್ಯಾದಿಷು ಪರಸ್ಯ ನ ಧ್ಯೇಯತ್ವಮ್ ಅನ್ಯದೇವ ಕಾರಣಂ ಕಿಂಚಿತ್ ತತ್ರ ತತ್ರ ಧ್ಯೇಯಮ್ ಇತ್ಯಾಶಂಕ್ಯ ಆಹ -

ಯಸ್ಮಾತ್ ಇತಿ ।

ಸರ್ವಕಾರಣತ್ವೇನ ಸರ್ವಜ್ಞತ್ವೇನ ಸರ್ವೇಶ್ವರತ್ವೇನ ಚ ಪರಸ್ಯ ಧ್ಯೇಯತ್ವಮ್ ಅತ್ರ ಈಪ್ಸಿತಮ್ , ನಾನ್ಯಸ್ಯ ಕಸ್ಯಚಿತ್ ಕಾರಣಸ್ಯ ಆದಿತ್ಯಾದಿಷು ಧ್ಯೇಯತಾ, ಇತ್ಯರ್ಥಃ

॥ ೨೦ ॥