ఆశేరతే అస్మిన్ విద్యాకర్మపూర్వప్రజ్ఞా ఇతి ఆశయః - హృదయమ్ , సర్వేషాం భూతానాం హృదయే అన్తఃస్థితో యః ప్రత్యగాత్మా సః అహమేవ ఇతి వాక్యార్థమ్ ఆహ -
సర్వేషామ్ ఇతి ।
యస్తు మన్దో మధ్యమో వా పరమాత్మానమ్ ఆత్మత్వేన ధ్యాతుం నాలమ్ , తం ప్రతి ఆహ -
తదశక్తేనేతి ।
వక్ష్యమాణాదిత్యాదిషు పరస్య న ధ్యేయత్వమ్ అన్యదేవ కారణం కిఞ్చిత్ తత్ర తత్ర ధ్యేయమ్ ఇత్యాశఙ్క్య ఆహ -
యస్మాత్ ఇతి ।
సర్వకారణత్వేన సర్వజ్ఞత్వేన సర్వేశ్వరత్వేన చ పరస్య ధ్యేయత్వమ్ అత్ర ఈప్సితమ్ , నాన్యస్య కస్యచిత్ కారణస్య ఆదిత్యాదిషు ధ్యేయతా, ఇత్యర్థః
॥ ౨౦ ॥