ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಮಹರ್ಷೀಣಾಂ ಭೃಗುರಹಂ ಗಿರಾಮಸ್ಮ್ಯೇಕಮಕ್ಷರಮ್ ।
ಯಜ್ಞಾನಾಂ ಜಪಯಜ್ಞೋಽಸ್ಮಿ ಸ್ಥಾವರಾಣಾಂ ಹಿಮಾಲಯಃ ॥ ೨೫ ॥
ಮಹರ್ಷೀಣಾಂ ಭೃಗುಃ ಅಹಮ್ । ಗಿರಾಂ ವಾಚಾಂ ಪದಲಕ್ಷಣಾನಾಮ್ ಏಕಮ್ ಅಕ್ಷರಮ್ ಓಂಕಾರಃ ಅಸ್ಮಿ । ಯಜ್ಞಾನಾಂ ಜಪಯಜ್ಞಃ ಅಸ್ಮಿ, ಸ್ಥಾವರಾಣಾಂ ಸ್ಥಿತಿಮತಾಂ ಹಿಮಾಲಯಃ ॥ ೨೫ ॥
ಮಹರ್ಷೀಣಾಂ ಭೃಗುರಹಂ ಗಿರಾಮಸ್ಮ್ಯೇಕಮಕ್ಷರಮ್ ।
ಯಜ್ಞಾನಾಂ ಜಪಯಜ್ಞೋಽಸ್ಮಿ ಸ್ಥಾವರಾಣಾಂ ಹಿಮಾಲಯಃ ॥ ೨೫ ॥
ಮಹರ್ಷೀಣಾಂ ಭೃಗುಃ ಅಹಮ್ । ಗಿರಾಂ ವಾಚಾಂ ಪದಲಕ್ಷಣಾನಾಮ್ ಏಕಮ್ ಅಕ್ಷರಮ್ ಓಂಕಾರಃ ಅಸ್ಮಿ । ಯಜ್ಞಾನಾಂ ಜಪಯಜ್ಞಃ ಅಸ್ಮಿ, ಸ್ಥಾವರಾಣಾಂ ಸ್ಥಿತಿಮತಾಂ ಹಿಮಾಲಯಃ ॥ ೨೫ ॥

ಏಕಮ್ ಇತಿ । ಓಂಕಾರಸ್ಯ ಬ್ರಹ್ಮಪ್ರತೀಕತ್ವೇನ ತದಭಿಧಾನತ್ವೇನ ಚ ಪ್ರಧಾನತ್ವಮ್ ಉಚ್ಯತೇ । ಜಪಯಜ್ಞಸ್ಯ ಯಜ್ಞಾಂತರೇಭ್ಯೋ ಹಿಂಸಾದಿರಾಹಿತ್ಯೇನ ಪ್ರಾಧಾನ್ಯಮ್ ಉಪೇತ್ಯ ಆಹ -

ಯಜ್ಞಾನಾಮಿತಿ ।

ಶಿಖರವತಾಮ್ - ಉಚ್ಛ್ರಿತಾನಾಂ ಪರ್ವತಾನಾಂ ಮಧ್ಯೇ, ಮೇರುಃ ಅಹಂ ಇತ್ಯುಕ್ತೇಽಪಿ, ಸ್ಥಿತಿಶೀಲಾನಾಂ ತೇಷಾಮೇವ ಹಿಮವಾನ್ - ಪರ್ವತರಾಜೋಽಸ್ಮಿ, ಇತಿ ಅರ್ಥಭೇದಂ ಗೃಹೀತ್ವಾ ಆಹ -

ಸ್ಥಿತಿಮತಾಮಿತಿ

॥ ೨೫ ॥