अद्वैतशारदा | दक्षिणाम्नाय श्रीशारदापीठम्, शृङ्गेरी

న తు మాం శక్యసే ద్రష్టుమనేనైవ స్వచక్షుషా ।
దివ్యం దదామి తే చక్షుః పశ్య మే యోగమైశ్వరమ్ ॥ ౮ ॥

న తు మాం విశ్వరూపధరం శక్యసే ద్రష్టుమ్ అనేనైవ ప్రాకృతేన స్వచక్షుషా స్వకీయేన చక్షుషా । యేన తు శక్యసే ద్రష్టుం దివ్యేన, తత్ దివ్యం దదామి తే తుభ్యం చక్షుః । తేన పశ్య మే యోగమ్ ఐశ్వరమ్ ఈశ్వరస్య మమ ఐశ్వరం యోగం యోగశక్త్యతిశయమ్ ఇత్యర్థః ॥ ౮ ॥

న తు ఇతి ; యేనేతి ; తేనేతి ;

సప్రపఞ్చం అనవచ్ఛిన్నం మాం స్వచక్షుషా న శక్నోషి ద్రష్టుం ఇత్యాహ-

న తు ఇతి ।

కథం తర్హి త్వాం ద్రష్టుం శక్నుయామ్ ఇత్యాశఙ్క్య ఆహ-

యేనేతి ।

దివ్యస్య చక్షుషః వక్ష్యమాణయోగశక్త్యనిశయదర్శనే వినియోగం దర్శయతి-

తేనేతి

॥ ౮ ॥