ಶ್ರೀಮದ್ಭಗವದ್ಗೀತಾಭಾಷ್ಯಮ್
ಏಕಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸಂಜಯ ಉವಾಚ —
ಏವಮುಕ್ತ್ವಾ ತತೋ ರಾಜನ್ಮಹಾಯೋಗೇಶ್ವರೋ ಹರಿಃ ।
ದರ್ಶಯಾಮಾಸ ಪಾರ್ಥಾಯ ಪರಮಂ ರೂಪಮೈಶ್ವರಮ್ ॥ ೯ ॥
ಏವಂ ಯಥೋಕ್ತಪ್ರಕಾರೇಣ ಉಕ್ತ್ವಾ ತತಃ ಅನಂತರಂ ರಾಜನ್ ಧೃತರಾಷ್ಟ್ರ, ಮಹಾಯೋಗೇಶ್ವರಃ ಮಹಾಂಶ್ಚ ಅಸೌ ಯೋಗೇಶ್ವರಶ್ಚ ಹರಿಃ ನಾರಾಯಣಃ ದರ್ಶಯಾಮಾಸ ದರ್ಶಿತವಾನ್ ಪಾರ್ಥಾಯ ಪೃಥಾಸುತಾಯ ಪರಮಂ ರೂಪಂ ವಿಶ್ವರೂಪಮ್ ಐಶ್ವರಮ್ ॥ ೯ ॥
ಸಂಜಯ ಉವಾಚ —
ಏವಮುಕ್ತ್ವಾ ತತೋ ರಾಜನ್ಮಹಾಯೋಗೇಶ್ವರೋ ಹರಿಃ ।
ದರ್ಶಯಾಮಾಸ ಪಾರ್ಥಾಯ ಪರಮಂ ರೂಪಮೈಶ್ವರಮ್ ॥ ೯ ॥
ಏವಂ ಯಥೋಕ್ತಪ್ರಕಾರೇಣ ಉಕ್ತ್ವಾ ತತಃ ಅನಂತರಂ ರಾಜನ್ ಧೃತರಾಷ್ಟ್ರ, ಮಹಾಯೋಗೇಶ್ವರಃ ಮಹಾಂಶ್ಚ ಅಸೌ ಯೋಗೇಶ್ವರಶ್ಚ ಹರಿಃ ನಾರಾಯಣಃ ದರ್ಶಯಾಮಾಸ ದರ್ಶಿತವಾನ್ ಪಾರ್ಥಾಯ ಪೃಥಾಸುತಾಯ ಪರಮಂ ರೂಪಂ ವಿಶ್ವರೂಪಮ್ ಐಶ್ವರಮ್ ॥ ೯ ॥

ಇಮಂ ವೃತ್ತಾಂತಂ ಧೃತರಾಷ್ಟ್ರಾಯ ಸಂಜಯೋ ನಿವೇದಿತವಾತ್ ಇತ್ಯಾಹ-

ಸಂಜಯ ಇತಿ ।

ಮದೀಯಂ ವಿಶ್ವರೂಪಾಖ್ಯಂ ರೂಪಂ ನ ಪ್ರಾಕೃತೇನ ಚಕ್ಷುಷಾ ನಿರೀಕ್ಷಿತುಂ ಕ್ಷಮಮ್ । ಕಿಂತು ದಿವ್ಯೇನ ಇತ್ಯಾದಿ ಯಥೋಕ್ತಪ್ರಕಾರಃ । ಅನಂತರಂ - ದಿವ್ಯಚಕ್ಷುಷಃ ಪ್ರದಾನಾತ್ ಇತಿ ಶೇಷಃ । ಹರತಿ ಅವಿದ್ಯಾಂ ಸಕಾರ್ಯಾಂ ಇತಿ ಹರಿಃ ।

ಯತ್ ಈಶ್ವರಸ್ಯ ಮಾಯೋಪಹಿತಸ್ಯ ಪರಮಮ್ ಉತ್ಕೃಷ್ಟಂ ರೂಪಮ್ ತತ್ ದರ್ಶಯಾಂಬಭೂವ ಇತ್ಯಾಹ-

ಪರಮಮ್ ಇತಿ

॥ ೯ ॥