अद्वैतशारदा | दक्षिणाम्नाय श्रीशारदापीठम्, शृङ्गेरी

అనేకవక్త్రనయనమనేకాద్భుతదర్శనమ్ ।
అనేకదివ్యాభరణం దివ్యానేకోద్యతాయుధమ్ ॥ ౧౦ ॥

అనేకవక్త్రనయనమ్ అనేకాని వక్త్రాణి నయనాని చ యస్మిన్ రూపే తత్ అనేకవక్త్రనయనమ్ , అనేకాద్భుతదర్శనమ్ అనేకాని అద్భుతాని విస్మాపకాని దర్శనాని యస్మిన్ రూపే తత్ అనేకాద్భుతదర్శనం రూపమ్ , తథా అనేకదివ్యాభరణమ్ అనేకాని దివ్యాని ఆభరణాని యస్మిన్ తత్ అనేకదివ్యాభరణమ్ , తథా దివ్యానేకోద్యతాయుధం దివ్యాని అనేకాని అస్యాదీని ఉద్యతాని ఆయుధాని యస్మిన్ తత్ దివ్యానేకోద్యతాయుధమ్ , ‘దర్శయామాస’ ఇతి పూర్వేణ సమ్బన్ధః ॥ ౧౦ ॥

అనేకేతి ;

తదేవ రూపం విశినాష్టి-

అనేకేతి ।

దివ్యాని ఆభరణాదీని - హారకేయూరాదీని భూషణాని, ఉద్యతాని - ఉచ్ఛ్రితాని

॥ ౧౦ ॥