अद्वैतशारदा | दक्षिणाम्नाय श्रीशारदापीठम्, शृङ्गेरी

ಅನೇಕಬಾಹೂದರವಕ್ತ್ರನೇತ್ರಂ
ಪಶ್ಯಾಮಿ ತ್ವಾ ಸರ್ವತೋಽನಂತರೂಪಮ್ ।
ನಾಂತಂ ನ ಮಧ್ಯಂ ನ ಪುನಸ್ತವಾದಿಂ
ಪಶ್ಯಾಮಿ ವಿಶ್ವೇಶ್ವರ ವಿಶ್ವರೂಪ ॥ ೧೬ ॥

ಅನೇಕಬಾಹೂದರವಕ್ತ್ರನೇತ್ರಮ್ ಅನೇಕೇ ಬಾಹವಃ ಉದರಾಣಿ ವಕ್ತ್ರಾಣಿ ನೇತ್ರಾಣಿ ಚ ಯಸ್ಯ ತವ ಸಃ ತ್ವಮ್ ಅನೇಕಬಾಹೂದರವಕ್ತ್ರನೇತ್ರಃ ತಮ್ ಅನೇಕಬಾಹೂದರವಕ್ತ್ರನೇತ್ರಮ್ । ಪಶ್ಯಾಮಿ ತ್ವಾ ತ್ವಾಂ ಸರ್ವತಃ ಸರ್ವತ್ರ ಅನಂತರೂಪಮ್ ಅನಂತಾನಿ ರೂಪಾಣಿ ಅಸ್ಯ ಇತಿ ಅನಂತರೂಪಃ ತಮ್ ಅನಂತರೂಪಮ್ । ನ ಅಂತಮ್ , ಅಂತಃ ಅವಸಾನಮ್ , ನ ಮಧ್ಯಮ್ , ಮಧ್ಯಂ ನಾಮ ದ್ವಯೋಃ ಕೋಟ್ಯೋಃ ಅಂತರಮ್ , ನ ಪುನಃ ತವ ಆದಿಮ್ — ನ ದೇವಸ್ಯ ಅಂತಂ ಪಶ್ಯಾಮಿ, ನ ಮಧ್ಯಂ ಪಶ್ಯಾಮಿ, ನ ಪುನಃ ಆದಿಂ ಪಶ್ಯಾಮಿ, ಹೇ ವಿಶ್ವೇಶ್ವರ ವಿಶ್ವರೂಪ ॥ ೧೬ ॥

ಅನೇಕೇತಿ ; ನಾಂತಂ ಪಶ್ಯಾಮಿ ಇತಿ ;

ಯತ್ರ ಭಗವದ್ದೇಹೇ ಸರ್ವಮ್ ಇದಂ ದೃಷ್ಟಮ್ , ತಮೇವ ವಿಶಿನಷ್ಟಿ-

ಅನೇಕೇತಿ ।

ಆದಿಶಬ್ದೇನ ಮೂಲಮ್ ಉಚ್ಯತೇ । ನಾಂತಂ ನ ಮಧ್ಯಮ್ ಇತ್ಯತ್ರಾಪಿ ಪಶ್ಯಾಮಿ ಇತ್ಯಸ್ಯ ಪ್ರತ್ಯೇಕಂ ಸಂಬಂಧಂ ಸೂಚಯತಿ-

ನಾಂತಂ ಪಶ್ಯಾಮಿ ಇತಿ

॥ ೧೬ ॥