अद्वैतशारदा | दक्षिणाम्नाय श्रीशारदापीठम्, शृङ्गेरी

అనేకబాహూదరవక్త్రనేత్రం
పశ్యామి త్వా సర్వతోఽనన్తరూపమ్ ।
నాన్తం న మధ్యం న పునస్తవాదిం
పశ్యామి విశ్వేశ్వర విశ్వరూప ॥ ౧౬ ॥

అనేకబాహూదరవక్త్రనేత్రమ్ అనేకే బాహవః ఉదరాణి వక్త్రాణి నేత్రాణి చ యస్య తవ సః త్వమ్ అనేకబాహూదరవక్త్రనేత్రః తమ్ అనేకబాహూదరవక్త్రనేత్రమ్ । పశ్యామి త్వా త్వాం సర్వతః సర్వత్ర అనన్తరూపమ్ అనన్తాని రూపాణి అస్య ఇతి అనన్తరూపః తమ్ అనన్తరూపమ్ । న అన్తమ్ , అన్తః అవసానమ్ , న మధ్యమ్ , మధ్యం నామ ద్వయోః కోట్యోః అన్తరమ్ , న పునః తవ ఆదిమ్ — న దేవస్య అన్తం పశ్యామి, న మధ్యం పశ్యామి, న పునః ఆదిం పశ్యామి, హే విశ్వేశ్వర విశ్వరూప ॥ ౧౬ ॥

అనేకేతి ; నాన్తం పశ్యామి ఇతి ;

యత్ర భగవద్దేహే సర్వమ్ ఇదం దృష్టమ్ , తమేవ విశినష్టి-

అనేకేతి ।

ఆదిశబ్దేన మూలమ్ ఉచ్యతే । నాన్తం న మధ్యమ్ ఇత్యత్రాపి పశ్యామి ఇత్యస్య ప్రత్యేకం సమ్బన్ధం సూచయతి-

నాన్తం పశ్యామి ఇతి

॥ ౧౬ ॥