ಜಗತಃ ಸ್ರಷ್ಟಾ ಪುರುಷೋ ಹಿರಣ್ಯಗರ್ಭಃ, ಇತಿ ಪಕ್ಷಂ ಪ್ರತ್ಯಾಹ-
ಪುರಾಣ ಇತಿ ।
ಸ್ರಷ್ಟೃತ್ವಂ ನಿಮಿತ್ತಮೇವ, ಇತಿ ತಟಸ್ಥೇಶ್ವರವಾದಿನಃ । ತಾನ್ಪ್ರತಿ ಉಕ್ತಮ್-
ತ್ವಮೇವೇತಿ ।
ಮಹಾಪ್ರಲಯಾದೌ ಇತಿ ಆದಿಪದಮ್ ಅವಾಂತರಪ್ರಲಯಾರ್ಥಮ್ ।
ಈಶ್ವರಸ್ಯ ಉಭಯಥಾ ಕಾರಣತ್ವಂ ಸರ್ವಜ್ಞತ್ವೇನ ಸಾಧಯತಿ-
ಕಿಂಚೇತಿ ।
ವೇದ್ಯವೇದಿತೃಭಾವೇನ ಅದ್ವೈತಾನುಪಪತ್ತಿಮ್ ಆಶಂಕ್ಯ ಆಹ-
ಯಚ್ಚೇತಿ ।
ಮುಕ್ತ್ಯಾಲಂಬನಸ್ಯ ಬ್ರಹ್ಮಣೋಽರ್ಥಾಂತರತ್ವಮ್ ಆಶಂಕಿತ್ವಾ ಉಕ್ತಮ್-
ಪರಂ ಚೇತಿ ।
ಯತ್ ಪರಮಂ ಪದಂ, ತದಪಿ ಚ ತ್ವಮೇವ, ಇತಿ ಸಂಬಂಧಃ ।
ತಸ್ಯ ಪೂರ್ಣತ್ವಮ್ ಆಹ-
ತ್ವಯೇತಿ ।
ವ್ಯಾಪ್ಯವ್ಯಾಪಕತ್ವೇನ ಭೇದಂ ಶಂಕಿತ್ವಾ, ಕಲ್ಪಿತತ್ವಾತ್ ತಸ್ಯ ಮೈವಮ್ , ಇತ್ಯಾಹ-
ಅನಂತೇತಿ
॥ ೩೮ ॥