ಶ್ರೀಮದ್ಭಗವದ್ಗೀತಾಭಾಷ್ಯಮ್
ಏಕಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ವಾಯುರ್ಯಮೋಽಗ್ನಿರ್ವರುಣಃ ಶಶಾಂಕಃ
ಪ್ರಜಾಪತಿಸ್ತ್ವಂ ಪ್ರಪಿತಾಮಹಶ್ಚ ।
ನಮೋ ನಮಸ್ತೇಽಸ್ತು ಸಹಸ್ರಕೃತ್ವಃ
ಪುನಶ್ಚ ಭೂಯೋಽಪಿ ನಮೋ ನಮಸ್ತೇ ॥ ೩೯ ॥
ವಾಯುಃ ತ್ವಂ ಯಮಶ್ಚ ಅಗ್ನಿಃ ವರುಣಃ ಅಪಾಂ ಪತಿಃ ಶಶಾಂಕಃ ಚಂದ್ರಮಾಃ ಪ್ರಜಾಪತಿಃ ತ್ವಂ ಕಶ್ಯಪಾದಿಃ ಪ್ರಪಿತಾಮಹಶ್ಚ ಪಿತಾಮಹಸ್ಯಾಪಿ ಪಿತಾ ಪ್ರಪಿತಾಮಹಃ, ಬ್ರಹ್ಮಣೋಽಪಿ ಪಿತಾ ಇತ್ಯರ್ಥಃ । ನಮೋ ನಮಃ ತೇ ತುಭ್ಯಮ್ ಅಸ್ತು ಸಹಸ್ರಕೃತ್ವಃ । ಪುನಶ್ಚ ಭೂಯೋಽಪಿ ನಮೋ ನಮಃ ತೇ । ಬಹುಶೋ ನಮಸ್ಕಾರಕ್ರಿಯಾಭ್ಯಾಸಾವೃತ್ತಿಗಣನಂ ಕೃತ್ವಸುಚಾ ಉಚ್ಯತೇ । ‘ಪುನಶ್ಚ’ ‘ಭೂಯೋಽಪಿ’ ಇತಿ ಶ್ರದ್ಧಾಭಕ್ತ್ಯತಿಶಯಾತ್ ಅಪರಿತೋಷಮ್ ಆತ್ಮನಃ ದರ್ಶಯತಿ ॥ ೩೯ ॥
ವಾಯುರ್ಯಮೋಽಗ್ನಿರ್ವರುಣಃ ಶಶಾಂಕಃ
ಪ್ರಜಾಪತಿಸ್ತ್ವಂ ಪ್ರಪಿತಾಮಹಶ್ಚ ।
ನಮೋ ನಮಸ್ತೇಽಸ್ತು ಸಹಸ್ರಕೃತ್ವಃ
ಪುನಶ್ಚ ಭೂಯೋಽಪಿ ನಮೋ ನಮಸ್ತೇ ॥ ೩೯ ॥
ವಾಯುಃ ತ್ವಂ ಯಮಶ್ಚ ಅಗ್ನಿಃ ವರುಣಃ ಅಪಾಂ ಪತಿಃ ಶಶಾಂಕಃ ಚಂದ್ರಮಾಃ ಪ್ರಜಾಪತಿಃ ತ್ವಂ ಕಶ್ಯಪಾದಿಃ ಪ್ರಪಿತಾಮಹಶ್ಚ ಪಿತಾಮಹಸ್ಯಾಪಿ ಪಿತಾ ಪ್ರಪಿತಾಮಹಃ, ಬ್ರಹ್ಮಣೋಽಪಿ ಪಿತಾ ಇತ್ಯರ್ಥಃ । ನಮೋ ನಮಃ ತೇ ತುಭ್ಯಮ್ ಅಸ್ತು ಸಹಸ್ರಕೃತ್ವಃ । ಪುನಶ್ಚ ಭೂಯೋಽಪಿ ನಮೋ ನಮಃ ತೇ । ಬಹುಶೋ ನಮಸ್ಕಾರಕ್ರಿಯಾಭ್ಯಾಸಾವೃತ್ತಿಗಣನಂ ಕೃತ್ವಸುಚಾ ಉಚ್ಯತೇ । ‘ಪುನಶ್ಚ’ ‘ಭೂಯೋಽಪಿ’ ಇತಿ ಶ್ರದ್ಧಾಭಕ್ತ್ಯತಿಶಯಾತ್ ಅಪರಿತೋಷಮ್ ಆತ್ಮನಃ ದರ್ಶಯತಿ ॥ ೩೯ ॥

ಪಿತಾಮಹಃ - ಬ್ರಹ್ಮಾ, ತಸ್ಯ ಪಿತಾ ಸೂತ್ರಾತ್ಮಾ ಅಂತರ್ಯಾಮೀ ಚ, ಇತ್ಯಾಹ-

ಬ್ರಹ್ಮಣೋಽಪೀತಿ ।

ಸರ್ವದೇವತಾಃ ತ್ವಮೇವ ಇತ್ಯುಕ್ತೇ ಫಲಿತಮ್ ಆಹ-

ನಮ ಇತಿ ।

ಸಹಸ್ರಕೃತ್ವಃ ಇತಿ ಕೃತ್ವಸುಚೋ ವಿವಕ್ಷಿತಮ್ ಅರ್ಥಮ್ ಆಹ-

ಬಹುಶ ಇತಿ ।

ಪುನರುಕ್ತಿತಾತ್ಪರ್ಯಮ್ ಆಹ-

ಪುನಶ್ಚೇತಿ ।

ಶ್ರದ್ಧಾಭಕ್ತ್ಯೋಃ ಅತಿಶಯಾತ್ ಕೃತೇಽಪಿ ನಮಸ್ಕಾರೇ ಪರಿತೋಷಾಭಾವೋ ಬುದ್ಧೇಃ - ಆತ್ಮನೋ ಅಲಂಪ್ರತ್ಯಯರಾಹಿತ್ಯಂ, ತದ್ದರ್ಶನಾರ್ಥಂ ಪುನರುಕ್ತಿಃ ಇತ್ಯರ್ಥಃ

॥ ೩೯ ॥