ఎవం శబ్దార్థమ్ ఉక్త్వా తమ్ అనూద్య సతతయుక్తాః ఇతి భాగం విభజతే-

ఎవమితి ।

యే భక్తాః ఇతి అనూద్య వ్యాచష్టే-

అనన్యేతి ।

మన్దమధ్యమాధికారిణః సగుణశరణాన్ ఉక్త్వా నిర్గుణనిష్ఠాన్ ఉత్తమాధికారిణో నిర్దిశతి -

యే చేతి ।

యథా విశేషితమ్ - అనిర్దేశ్యమ్ సర్వత్రగమ్ అచిన్త్యమ్ కూటస్థమ్ ఇత్యాదివక్ష్యమాణవిశేషణవిశిష్టమ్ , ఇత్యర్థః ।

న క్షరతి, అశ్నుతే వా, ఇతి అక్షరమ్ అవ్యక్తమ్ ఇత్యేతత్ వ్యాచష్టే -

నిరస్తేతి ।

కరణాగోచరత్వం వ్యతిరేకద్వారా స్ఫోరయతి -

యద్ధీతి ।

యథావిశేషితమ్ ఇత్యుక్తం స్పష్టయతి -

శిష్టైశ్చేతి ।

పూర్వార్ధగతక్రియాపదస్య అనుషఙ్గమ్ సూచయతి -

తదితి ।

సర్వే తావత్ ఎతే యోగమ్ - సమాధిమ్ విన్దన్తి, ఇతి యోగవిదః । కే పునః అతిశయేన ఎషాం మధ్యే యోగవిదో యోగినః? ఇతి పృచ్ఛతి -

కే అతిశయేనేతి

॥ ౧ ॥