ಶ್ರೀಮದ್ಭಗವದ್ಗೀತಾಭಾಷ್ಯಮ್
ದ್ವಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಮಯ್ಯೇವ ಮನ ಆಧತ್ಸ್ವ ಮಯಿ ಬುದ್ಧಿಂ ನಿವೇಶಯ ।
ನಿವಸಿಷ್ಯಸಿ ಮಯ್ಯೇವ ಅತ ಊರ್ಧ್ವಂ ನ ಸಂಶಯಃ ॥ ೮ ॥
ಮಯಿ ಏವ ವಿಶ್ವರೂಪೇ ಈಶ್ವರೇ ಮನಃ ಸಂಕಲ್ಪವಿಕಲ್ಪಾತ್ಮಕಂ ಆಧತ್ಸ್ವ ಸ್ಥಾಪಯ । ಮಯಿ ಏವ ಅಧ್ಯವಸಾಯಂ ಕುರ್ವತೀಂ ಬುದ್ಧಿಮ್ ಆಧತ್ಸ್ವ ನಿವೇಶಯ । ತತಃ ತೇ ಕಿಂ ಸ್ಯಾತ್ ಇತಿ ಶೃಣು — ನಿವಸಿಷ್ಯಸಿ ನಿವತ್ಸ್ಯಸಿ ನಿಶ್ಚಯೇನ ಮದಾತ್ಮನಾ ಮಯಿ ನಿವಾಸಂ ಕರಿಷ್ಯಸಿ ಏವ ಅತಃ ಶರೀರಪಾತಾತ್ ಊರ್ಧ್ವಮ್ । ನ ಸಂಶಯಃ ಸಂಶಯಃ ಅತ್ರ ನ ಕರ್ತವ್ಯಃ ॥ ೮ ॥
ಮಯ್ಯೇವ ಮನ ಆಧತ್ಸ್ವ ಮಯಿ ಬುದ್ಧಿಂ ನಿವೇಶಯ ।
ನಿವಸಿಷ್ಯಸಿ ಮಯ್ಯೇವ ಅತ ಊರ್ಧ್ವಂ ನ ಸಂಶಯಃ ॥ ೮ ॥
ಮಯಿ ಏವ ವಿಶ್ವರೂಪೇ ಈಶ್ವರೇ ಮನಃ ಸಂಕಲ್ಪವಿಕಲ್ಪಾತ್ಮಕಂ ಆಧತ್ಸ್ವ ಸ್ಥಾಪಯ । ಮಯಿ ಏವ ಅಧ್ಯವಸಾಯಂ ಕುರ್ವತೀಂ ಬುದ್ಧಿಮ್ ಆಧತ್ಸ್ವ ನಿವೇಶಯ । ತತಃ ತೇ ಕಿಂ ಸ್ಯಾತ್ ಇತಿ ಶೃಣು — ನಿವಸಿಷ್ಯಸಿ ನಿವತ್ಸ್ಯಸಿ ನಿಶ್ಚಯೇನ ಮದಾತ್ಮನಾ ಮಯಿ ನಿವಾಸಂ ಕರಿಷ್ಯಸಿ ಏವ ಅತಃ ಶರೀರಪಾತಾತ್ ಊರ್ಧ್ವಮ್ । ನ ಸಂಶಯಃ ಸಂಶಯಃ ಅತ್ರ ನ ಕರ್ತವ್ಯಃ ॥ ೮ ॥

ಮನೋಬುದ್ಧ್ಯೋಃ ಭಗವತಿ ಅವಸ್ಥಾಪನೇ ಪ್ರಶ್ನಪೂರ್ವಕಂ ಫಲಮ್ ಆಹ-

ತತ ಇತಿ ।

ಭಗವನ್ನಿಷ್ಠಸ್ಯ ತತ್ಪ್ರಾಪ್ತೌ ಪ್ರತಿಬಂಧಾಭಾವಂ ಸೂಚಯತಿ-

ಸಂಶಯೋಽತ್ರೇತಿ

॥ ೮ ॥