अद्वैतशारदा | दक्षिणाम्नाय श्रीशारदापीठम्, शृङ्गेरी

మయ్యేవ మన ఆధత్స్వ మయి బుద్ధిం నివేశయ ।
నివసిష్యసి మయ్యేవ అత ఊర్ధ్వం న సంశయః ॥ ౮ ॥

మయి ఎవ విశ్వరూపే ఈశ్వరే మనః సఙ్కల్పవికల్పాత్మకం ఆధత్స్వ స్థాపయ । మయి ఎవ అధ్యవసాయం కుర్వతీం బుద్ధిమ్ ఆధత్స్వ నివేశయ । తతః తే కిం స్యాత్ ఇతి శృణు — నివసిష్యసి నివత్స్యసి నిశ్చయేన మదాత్మనా మయి నివాసం కరిష్యసి ఎవ అతః శరీరపాతాత్ ఊర్ధ్వమ్ । న సంశయః సంశయః అత్ర న కర్తవ్యః ॥ ౮ ॥

తత ఇతి ; సంశయోఽత్రేతి ;

మనోబుద్ధ్యోః భగవతి అవస్థాపనే ప్రశ్నపూర్వకం ఫలమ్ ఆహ-

తత ఇతి ।

భగవన్నిష్ఠస్య తత్ప్రాప్తౌ ప్రతిబన్ధాభావం సూచయతి-

సంశయోఽత్రేతి

॥ ౮ ॥