अद्वैतशारदा | दक्षिणाम्नाय श्रीशारदापीठम्, शृङ्गेरी

అథైతదప్యశక్తోఽసి కర్తుం మద్యోగమాశ్రితః ।
సర్వకర్మఫలత్యాగం తతః కురు యతాత్మవాన్ ॥ ౧౧ ॥

అథ పునః ఎతదపి యత్ ఉక్తం మత్కర్మపరమత్వమ్ , తత్ కర్తుమ్ అశక్తః అసి, మద్యోగమ్ ఆశ్రితః మయి క్రియమాణాని కర్మాణి సంన్యస్య యత్ కరణం తేషామ్ అనుష్ఠానం సః మద్యోగః, తమ్ ఆశ్రితః సన్ , సర్వకర్మఫలత్యాగం సర్వేషాం కర్మణాం ఫలసంన్యాసం సర్వకర్మఫలత్యాగం తతః అనన్తరం కురు యతాత్మవాన్ సంయతచిత్తః సన్ ఇత్యర్థః ॥ ౧౧ ॥

అథేతి ; మద్యోగమితి ;

భగవత్కర్మపరత్వమ్ అపి అశక్యమ్ , ఇతి శఙ్కతే -

అథేతి ।

బహిర్విషయాకృష్టచేతస్త్వాత్ , ఇత్యర్థః ।

తర్హి భగవత్ప్రాప్త్యుపాయత్వేన, సంయతచిత్తో, భూత్వా కర్మఫలసంన్యాసం కురు, ఇత్యాహ-

మద్యోగమితి

॥ ౧౧ ॥