మయి చానన్యయోగేన భక్తిరవ్యభిచారిణీ ।
వివిక్తదేశసేవిత్వమరతిర్జనసంసది ॥ ౧౦ ॥
మయి చ ఈశ్వరే అనన్యయోగేన అపృథక్సమాధినా ‘న అన్యో భగవతో వాసుదేవాత్ పరః అస్తి, అతః స ఎవ నః గతిః’ ఇత్యేవం నిశ్చితా అవ్యభిచారిణీ బుద్ధిః అనన్యయోగః, తేన భజనం భక్తిః న వ్యభిచరణశీలా అవ్యభిచారిణీ । సా చ జ్ఞానమ్ । వివిక్తదేశసేవిత్వమ్ , వివిక్తః స్వభావతః సంస్కారేణ వా అశుచ్యాదిభిః సర్పవ్యాఘ్రాదిభిశ్చ రహితః అరణ్యనదీపులినదేవగృహాదిభిర్వివిక్తో దేశః, తం సేవితుం శీలమస్య ఇతి వివిక్తదేశసేవీ, తద్భావః వివిక్తదేశసేవిత్వమ్ । వివిక్తేషు హి దేశేషు చిత్తం ప్రసీదతి యతః తతః ఆత్మాదిభావనా వివిక్తే ఉపజాయతే । అతః వివిక్తదేశసేవిత్వం జ్ఞానముచ్యతే । అరతిః అరమణం జనసంసది, జనానాం ప్రాకృతానాం సంస్కారశూన్యానామ్ అవినీతానాం సంసత్ సమవాయః జనసంసత్ ; న సంస్కారవతాం వినీతానాం సంసత్ ; తస్యాః జ్ఞానోపకారకత్వాత్ । అతః ప్రాకృతజనసంసది అరతిః జ్ఞానార్థత్వాత్ జ్ఞానమ్ ॥ ౧౦ ॥
మయి చానన్యయోగేన భక్తిరవ్యభిచారిణీ ।
వివిక్తదేశసేవిత్వమరతిర్జనసంసది ॥ ౧౦ ॥
మయి చ ఈశ్వరే అనన్యయోగేన అపృథక్సమాధినా ‘న అన్యో భగవతో వాసుదేవాత్ పరః అస్తి, అతః స ఎవ నః గతిః’ ఇత్యేవం నిశ్చితా అవ్యభిచారిణీ బుద్ధిః అనన్యయోగః, తేన భజనం భక్తిః న వ్యభిచరణశీలా అవ్యభిచారిణీ । సా చ జ్ఞానమ్ । వివిక్తదేశసేవిత్వమ్ , వివిక్తః స్వభావతః సంస్కారేణ వా అశుచ్యాదిభిః సర్పవ్యాఘ్రాదిభిశ్చ రహితః అరణ్యనదీపులినదేవగృహాదిభిర్వివిక్తో దేశః, తం సేవితుం శీలమస్య ఇతి వివిక్తదేశసేవీ, తద్భావః వివిక్తదేశసేవిత్వమ్ । వివిక్తేషు హి దేశేషు చిత్తం ప్రసీదతి యతః తతః ఆత్మాదిభావనా వివిక్తే ఉపజాయతే । అతః వివిక్తదేశసేవిత్వం జ్ఞానముచ్యతే । అరతిః అరమణం జనసంసది, జనానాం ప్రాకృతానాం సంస్కారశూన్యానామ్ అవినీతానాం సంసత్ సమవాయః జనసంసత్ ; న సంస్కారవతాం వినీతానాం సంసత్ ; తస్యాః జ్ఞానోపకారకత్వాత్ । అతః ప్రాకృతజనసంసది అరతిః జ్ఞానార్థత్వాత్ జ్ఞానమ్ ॥ ౧౦ ॥