अद्वैतशारदा | दक्षिणाम्नाय श्रीशारदापीठम्, शृङ्गेरी

యథా ప్రకాశయత్యేకః కృత్స్నం లోకమిమం రవిః ।
క్షేత్రం క్షేత్రీ తథా కృత్స్నం ప్రకాశయతి భారత ॥ ౩౩ ॥

యథా ప్రకాశయతి అవభాసయతి ఎకః కృత్స్నం లోకమ్ ఇమం రవిః సవితా ఆదిత్యః, తథా తద్వత్ మహాభూతాది ధృత్యన్తం క్షేత్రమ్ ఎకః సన్ ప్రకాశయతి । కః ? క్షేత్రీ పరమాత్మా ఇత్యర్థః । రవిదృష్టాన్తః అత్ర ఆత్మనః ఉభయార్థోఽపి భవతి — రవివత్ సర్వక్షేత్రేషు ఎక ఎవ ఆత్మా, అలేపకశ్చ ఇతి ॥ ౩౩ ॥

రవీతి ; రవివదితి ;

దృష్టాన్తేన వివక్షితమర్థం దర్శయతి -

రవీతి ।

ఉభయవిధమర్థమేవ స్ఫుటయతి-

రవివదితి

॥ ౩౩ ॥