अद्वैतशारदा | दक्षिणाम्नाय श्रीशारदापीठम्, शृङ्गेरी

సత్త్వం సుఖే సఞ్జయతి రజః కర్మణి భారత ।
జ్ఞానమావృత్య తు తమః ప్రమాదే సఞ్జయత్యుత ॥ ౯ ॥

సత్త్వం సుఖే సఞ్జయతి సంశ్లేషయతి, రజః కర్మణి హే భారత సఞ్జయతి ఇతి అనువర్తతే । జ్ఞానం సత్త్వకృతం వివేకమ్ ఆవృత్య ఆచ్ఛాద్య తు తమః స్వేన ఆవరణాత్మనా ప్రమాదే సఞ్జయతి ఉత ప్రమాదః నామ ప్రాప్తకర్తవ్యాకరణమ్ ॥ ౯ ॥

సత్త్వమితి ; సంశ్లేషయతి ఇతి ; రజ ఇతి ; జ్ఞానమితి ;

సుఖే సాధ్యే విషయే సముత్కృష్యతే సత్త్వమ్ , ఇత్యాహ -

సత్త్వమితి ।

‘సఞ్జయతి’ ఇత్యస్య అర్థమ్ ఆహ -

సంశ్లేషయతి ఇతి ।

కర్మణి సాధ్యే రజః సముత్కృష్యతే, ఇత్యాహ -

రజ ఇతి ।

ప్రమాదే ప్రాధాన్యం తమసో దర్శయతి -

జ్ఞానమితి

॥ ౯ ॥