अद्वैतशारदा | दक्षिणाम्नाय श्रीशारदापीठम्, शृङ्गेरी

యదా సత్త్వే ప్రవృద్ధే తు ప్రలయం యాతి దేహభృత్ ।
తదోత్తమవిదాం లోకానమలాన్ప్రతిపద్యతే ॥ ౧౪ ॥

యదా సత్త్వే ప్రవృద్ధే ఉద్భూతే తు ప్రలయం మరణం యాతి ప్రతిపద్యతే దేహభృత్ ఆత్మా, తదా ఉత్తమవిదాం మహదాదితత్త్వవిదామ్ ఇత్యేతత్ , లోకాన్ అమలాన్ మలరహితాన్ ప్రతిపద్యతే ప్రాప్నోతి ఇత్యేతత్ ॥ ౧౪ ॥

యదేతి ;

తత్ర సత్త్వగుణవృద్ధికృతఫలవిశేషమ్ ఆహ -

యదేతి ।

మలరహితాన్ - రజస్తమసోః అన్యతరస్య ఉద్భవో మలమ్ , తేన రహితాన్ , ఆగమసిద్ధాన్ బ్రహ్మలోకాదీన్ ఇత్యర్థః

॥ ౧౪ ॥