ಯಥೋಕ್ತಾನ್ ಇತ್ಯೇತದೇವ ವ್ಯಾಚಷ್ಠೇ -

ಮಾಯೇತಿ ।

ಮಾಯಾ ಏವ ಉಪಾಧಿಃ, ತದ್ಭೂತಾನ್ - ತದಾತ್ಮನಃ ಸತ್ತ್ವಾದೀನ್ ಅನರ್ಥರೂಪಾನ್ , ಇತ್ಯರ್ಥಃ ।

ಏಭ್ಯಃ ಸಮುದ್ಭವಂತಿ ಸಮುದ್ಭವಾಃ ದೇಹಸ್ಯ ಸಮುದ್ಭವಾಃ, ತಾನ್ ಇತಿ ವ್ಯುತ್ಪತ್ತಿಂ ಗೃಹೀತ್ವಾ ವ್ಯಾಚಷ್ಟೇ -

ದೇಹೋತ್ಪತ್ತೀತಿ ।

ಯೋ ವಿದ್ವಾನ್ ಅವಿದ್ಯಾಮಯಾನ್ ಗುಣಾನ್ ಜೀವನ್ನೇವ ಅತಿಕ್ರಮ್ಯ ಸ್ಥಿತಃ, ತಮೇವ ವಿಶಿನಷ್ಟಿ -

ಜನ್ಮೇತಿ ।

ಪುರಸ್ತಾತ್ ವಿಸ್ತರೇಣ ಉಕ್ತಸ್ಯ ಪ್ರಸಂಗಾತ್ ಅತ್ರ ಸಂಕ್ಷಿಪ್ತಸ್ಯ ಸಮ್ಯಗ್ಜ್ಞಾನಸ್ಯ ಫಲಮ್ ಉಪಸಂಹರತಿ -

ಏವಮಿತಿ

॥ ೨೦ ॥