ಶ್ರೀಮದ್ಭಗವದ್ಗೀತಾಭಾಷ್ಯಮ್
ಚತುರ್ದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅರ್ಜುನ ಉವಾಚ —
ಕೈರ್ಲಿಂಗೈಸ್ತ್ರೀನ್ಗುಣಾನೇತಾನತೀತೋ ಭವತಿ ಪ್ರಭೋ ।
ಕಿಮಾಚಾರಃ ಕಥಂ ಚೈತಾಂಸ್ತ್ರೀನ್ಗುಣಾನತಿವರ್ತತೇ ॥ ೨೧ ॥
ಕೈಃ ಲಿಂಗೈಃ ಚಿಹ್ನೈಃ ತ್ರೀನ್ ಏತಾನ್ ವ್ಯಾಖ್ಯಾತಾನ್ ಗುಣಾನ್ ಅತೀತಃ ಅತಿಕ್ರಾಂತಃ ಭವತಿ ಪ್ರಭೋ, ಕಿಮಾಚಾರಃ ಕಃ ಅಸ್ಯ ಆಚಾರಃ ಇತಿ ಕಿಮಾಚಾರಃ ಕಥಂ ಕೇನ ಚ ಪ್ರಕಾರೇಣ ಏತಾನ್ ತ್ರೀನ್ ಗುಣಾನ್ ಅತಿವರ್ತತೇ ಅತೀತ್ಯ ವರ್ತತೇ ॥ ೨೧ ॥
ಅರ್ಜುನ ಉವಾಚ —
ಕೈರ್ಲಿಂಗೈಸ್ತ್ರೀನ್ಗುಣಾನೇತಾನತೀತೋ ಭವತಿ ಪ್ರಭೋ ।
ಕಿಮಾಚಾರಃ ಕಥಂ ಚೈತಾಂಸ್ತ್ರೀನ್ಗುಣಾನತಿವರ್ತತೇ ॥ ೨೧ ॥
ಕೈಃ ಲಿಂಗೈಃ ಚಿಹ್ನೈಃ ತ್ರೀನ್ ಏತಾನ್ ವ್ಯಾಖ್ಯಾತಾನ್ ಗುಣಾನ್ ಅತೀತಃ ಅತಿಕ್ರಾಂತಃ ಭವತಿ ಪ್ರಭೋ, ಕಿಮಾಚಾರಃ ಕಃ ಅಸ್ಯ ಆಚಾರಃ ಇತಿ ಕಿಮಾಚಾರಃ ಕಥಂ ಕೇನ ಚ ಪ್ರಕಾರೇಣ ಏತಾನ್ ತ್ರೀನ್ ಗುಣಾನ್ ಅತಿವರ್ತತೇ ಅತೀತ್ಯ ವರ್ತತೇ ॥ ೨೧ ॥

ಯೇ ವ್ಯಾಖ್ಯಾತಾಃ ಸತ್ತ್ವಾದಯೋ ಗುಣಾಃ, ತತ್ಪರಿಣಾಮಭೂತಾನ್ ಅಧ್ಯಾಸಾನ್ ಅತಿಕ್ರಾಂತಃ ಸನ್ , ಕೈರ್ಲಿಂಗೈಃ ಜ್ಞಾತೋ ಭವತಿ, ಇತಿ ತಾನಿ ವಕ್ತವ್ಯಾನಿ ಸಿದ್ಧ್ಯರ್ಥಂ ಪೂರ್ವಮ್ ಅನುಷ್ಠೇಯಾನಿ, ಪಶ್ಚಾತ್ ಅಯತ್ನಲಭ್ಯಾನಿ ಲಿಂಗಾನಿ, ಕಾನಿ ತಾನಿ ? ಇತಿ ಪೃಚ್ಛತಿ -

ಕೈರಿತಿ ।

ಯಥೇಷ್ಟಚೇಷ್ಟಾವ್ಯಾವೃತ್ತ್ಯರ್ಥಂ ಪ್ರಶ್ನಾಂತರಂ -

ಕಿಮಾಚಾರ ಇತಿ ।

ಜ್ಞಾನಸ್ಯ  ಗುಣಾತ್ಯಯೋಪಾಯಸ್ಯ ಉಕ್ತತ್ವಾತ್ ಉಪಾಯಪ್ರಕಾರಜಿಜ್ಞಾಸಯಾ ಪ್ರಶ್ನಾಂತರಂ -

ಕಥಮಿತಿ

॥ ೨೧ ॥