యే వ్యాఖ్యాతాః సత్త్వాదయో గుణాః, తత్పరిణామభూతాన్ అధ్యాసాన్ అతిక్రాన్తః సన్ , కైర్లిఙ్గైః జ్ఞాతో భవతి, ఇతి తాని వక్తవ్యాని సిద్ధ్యర్థం పూర్వమ్ అనుష్ఠేయాని, పశ్చాత్ అయత్నలభ్యాని లిఙ్గాని, కాని తాని ? ఇతి పృచ్ఛతి -
కైరితి ।
యథేష్టచేష్టావ్యావృత్త్యర్థం ప్రశ్నాన్తరం -
కిమాచార ఇతి ।
జ్ఞానస్య గుణాత్యయోపాయస్య ఉక్తత్వాత్ ఉపాయప్రకారజిజ్ఞాసయా ప్రశ్నాన్తరం -
కథమితి
॥ ౨౧ ॥