ಮಚ್ಛಬ್ದಸ್ಯ ಸಂಸಾರಿವಿಷಯತ್ವಂ ವ್ಯಾವರ್ತಯತಿ -

ಈಶ್ವರಮಿತಿ ।

ತತ್ರೈವ ನಾರಾಯಣಶಬ್ದಾತ್ ಮೂರ್ತಿಭೇದೋ ವ್ಯಾವರ್ತ್ಯತೇ ।

ತಸ್ಯ ತಾಟಸ್ಥ್ಯಂ ವ್ಯವಚ್ಛಿನತ್ತಿ -

ಸರ್ವೇತಿ ।

ಮುಖ್ಯಾಮುಖ್ಯಾಧಿಕಾರಿಭೇದೇನೇ ವಿಕಲ್ಪಃ । ಭಕ್ತಿಯೋಗಸ್ಯ ಯಾದೃಚ್ಛಿಕತ್ವಂ ವ್ಯವಚ್ಛೇತ್ತುಮ್ ‘ಅವ್ಯಭಿಚಾರೇಣ’ ಇತ್ಯುಕ್ತಮ್ । ತದ್ವ್ಯಾಚಷ್ಟೇ -

ನೇತಿ ।

ಭಜನಂ - ಪರಮಪ್ರೇಮಾ । ಸ ಏವ ಯುಜ್ಯತೇ ಅನೇನ ಇತಿ ಯೋಗಃ । ಸೇವತೇ - ಪರಾಕ್ಚಿತ್ತತಾಂ ವಿನಾ ಸದಾ ಅನುಸಂದಧಾತಿ, ಇತ್ಯರ್ಥಃ । ಸಃ ಭಗವದನುಗ್ರಹಕೃತಸಮ್ಯಗ್ಧೀಸಂಪನ್ನೋ ವಿದ್ವಾನ್ ಜೀವನ್ನೇವ ಇತ್ಯರ್ಥಃ

॥ ೨೬ ॥