अद्वैतशारदा | दक्षिणाम्नाय श्रीशारदापीठम्, शृङ्गेरी

यत् गत्वा न निवर्तन्ते इत्युक्तम्ननु सर्वा हि गतिः आगत्यन्ता, ‘संयोगाः विप्रयोगान्ताः’ इति प्रसिद्धम् । कथम् उच्यते ‘तत् धाम गतानां नास्ति निवृत्तिः’ इति ? शृणु तत्र कारणम् —

यद्गत्वेति ; संयोगा इति ; कथमिति ; श्रृण्विति ;

उक्तमनूद्य आक्षिपति -

यद्गत्वेति ।

तत्र प्रसिद्धिं प्रमाणयति -

संयोगा इति ।

गमनस्य आगमनान्तत्वप्रसिद्धेः अयुक्तंयद्गत्वेत्यादि, इत्युपसंहरति -

कथमिति ।

आक्षेपं परिहरति -

श्रृण्विति ।

भगवत्प्राप्तेः निवृत्यन्तत्वाभावःसप्तम्यर्थः ।