अद्वैतशारदा | दक्षिणाम्नाय श्रीशारदापीठम्, शृङ्गेरी

ఉత్క్రామన్తం స్థితం వాపి భుఞ్జానం వా గుణాన్వితమ్ ।
విమూఢా నానుపశ్యన్తి పశ్యన్తి జ్ఞానచక్షుషః ॥ ౧౦ ॥

ఉత్క్రామన్తం దేహం పూర్వోపాత్తం పరిత్యజన్తం స్థితం వాపి దేహే తిష్ఠన్తం భుఞ్జానం వా శబ్దాదీంశ్చ ఉపలభమానం గుణాన్వితం సుఖదుఃఖమోహాద్యైః గుణైః అన్వితమ్ అనుగతం సంయుక్తమిత్యర్థః । ఎవంభూతమపి ఎనమ్ అత్యన్తదర్శనగోచరప్రాప్తం విమూఢాః దృష్టాదృష్టవిషయభోగబలాకృష్టచేతస్తయా అనేకధా మూఢాః న అనుపశ్యన్తి — అహో కష్టం వర్తతే ఇతి అనుక్రోశతి చ భగవాన్ — యే తు పునః ప్రమాణజనితజ్ఞానచక్షుషః తే ఎనం పశ్యన్తి జ్ఞానచక్షుషః వివిక్తదృష్టయః ఇత్యర్థః ॥ ౧౦ ॥

ఎవంభూతమితి ; యే తు పునరితి ;

సన్నిహితతమత్వేన దర్శనయోగ్యమపి విషయపారవశాత్ ఆత్మానం సర్వే న పశ్యన్తి, ఇతి భగవతోఽనుక్రోశం దర్శయతి -

ఎవంభూతమితి ।

తర్హి కేషామ్ ఆత్మదర్శనమ్ ? తదాహ -

యే తు పునరితి

॥ ౧౦ ॥