జీవాత్మత్వే న చిద్రూపత్వం ఉక్త్వా తదీయచైతన్యేన ఆదిత్యాదీనాం అవభాసకత్వాచ్చ బ్రహ్మణః చిద్రూపత్వం ఇత్యాహ -

యదాదిత్యేతి ।

చిద్రూపస్యైవ బ్రహ్మణః సర్వాత్మకత్వప్రతిపాదకత్వేన శ్లోకం వ్యాచష్టే -

యదిత్యాదినా ।

ఆదిత్యాదౌ తత్ర తత్ర స్థితం బ్రహ్మచైతన్యజ్యోతిః సర్వావభాసకం ఇత్యర్థః ।

బ్రహ్మణ సర్వజ్ఞత్వేన చిద్రూపత్వం అత్ర వివక్షితమ్ , ఇతి వ్యాఖ్యాన్తరం ఆహ -

అథవేతి ।