గామావిశ్య చ భూతాని
ధారయామ్యహమోజసా ।
పుష్ణామి చౌషధీః సర్వాః
సోమో భూత్వా రసాత్మకః ॥ ౧౩ ॥
గాం పృథివీమ్ ఆవిశ్య ప్రవిశ్య ధారయామి భూతాని జగత్ అహమ్ ఓజసా బలేన ; యత్ బలం కామరాగవివర్జితమ్ ఐశ్వరం రూపం జగద్విధారణాయ పృథివ్యామ్ ఆవిష్టం యేన పృథివీ గుర్వీ న అధః పతతి న విదీర్యతే చ । తథా చ మన్త్రవర్ణః — ‘యేన ద్యౌరుగ్రా పృథివీ చ దృఢా’ (తై. సం. ౪ । ౧ । ౮) ఇతి, ‘స దాధార పృథివీమ్’ (తై. సం. ౪ । ౧ । ౮) ఇత్యాదిశ్చ । అతః గామావిశ్య చ భూతాని చరాచరాణి ధారయామి ఇతి యుక్తముక్తమ్ । కిఞ్చ, పృథివ్యాం జాతాః ఓషధీః సర్వాః వ్రీహియవాద్యాః పుష్ణామి పుష్టిమతీః రసస్వాదుమతీశ్చ కరోమి సోమో భూత్వా రసాత్మకః సోమః సన్ రసాత్మకః రసస్వభావః । సర్వరసానామ్ ఆకరః సోమః । స హి సర్వరసాత్మకః సర్వాః ఓషధీః స్వాత్మరసాన్ అనుప్రవేశయన్ పుష్ణాతి ॥ ౧౩ ॥
గామావిశ్య చ భూతాని
ధారయామ్యహమోజసా ।
పుష్ణామి చౌషధీః సర్వాః
సోమో భూత్వా రసాత్మకః ॥ ౧౩ ॥
గాం పృథివీమ్ ఆవిశ్య ప్రవిశ్య ధారయామి భూతాని జగత్ అహమ్ ఓజసా బలేన ; యత్ బలం కామరాగవివర్జితమ్ ఐశ్వరం రూపం జగద్విధారణాయ పృథివ్యామ్ ఆవిష్టం యేన పృథివీ గుర్వీ న అధః పతతి న విదీర్యతే చ । తథా చ మన్త్రవర్ణః — ‘యేన ద్యౌరుగ్రా పృథివీ చ దృఢా’ (తై. సం. ౪ । ౧ । ౮) ఇతి, ‘స దాధార పృథివీమ్’ (తై. సం. ౪ । ౧ । ౮) ఇత్యాదిశ్చ । అతః గామావిశ్య చ భూతాని చరాచరాణి ధారయామి ఇతి యుక్తముక్తమ్ । కిఞ్చ, పృథివ్యాం జాతాః ఓషధీః సర్వాః వ్రీహియవాద్యాః పుష్ణామి పుష్టిమతీః రసస్వాదుమతీశ్చ కరోమి సోమో భూత్వా రసాత్మకః సోమః సన్ రసాత్మకః రసస్వభావః । సర్వరసానామ్ ఆకరః సోమః । స హి సర్వరసాత్మకః సర్వాః ఓషధీః స్వాత్మరసాన్ అనుప్రవేశయన్ పుష్ణాతి ॥ ౧౩ ॥