పరస్యైవ జాఠరాత్మనా స్థితౌ శ్రుతిం ప్రమాణయతి -
అయమితి ।
బాహ్యం భౌమం అగ్నిం వ్యావర్తయతి -
యోఽయమితి ।
దేహాన్తరారమ్భకం తృతీయం భూతం వ్యవచ్ఛినత్తి -
యేనేతి ।
జాఠరాత్మనా పరః స్థితశ్చేత్ తస్య దేహాశ్రితత్వం సిద్ధమ్ ఇతి న పృథక్ వక్తవ్యమ్ ఇత్యాశఙ్క్య, “పురుషవిధం పురుషేఽన్తః ప్రతిష్ఠితం వేద“ ఇతి శ్రుతిమాశ్రిత్య ఆహ -
ప్రవిష్ట ఇతి ।
పరస్య జాఠరాత్మనః అన్నపాకే సహకారికారణమాహ -
ప్రాణేతి ।
సంయుక్తత్వం - సన్ధుక్షితత్వమ్ । అన్నస్య చాతుర్విధ్యం ప్రకటయతి -
భోజ్యమితి ।
భోక్తరి వైశ్వానరదృష్టిః, భోజ్యే సోమదృష్టిః ఎవం భోక్తృభోజ్యరూపం సర్వం జగత్ అగ్నీషోమాత్మనా భుక్తికాలే ధ్యాయతో భోక్తుః అన్నకృతో దోషో న ఇతి ప్రాసఙ్గికం సఫలం ధ్యానం దర్శయతి -
భోక్తేతి
॥ ౧౪ ॥