క్షరాక్షరోపాధిభ్యాం పరమాత్మనా చరాశిత్రయమ్ । ఉక్తేన సర్వాత్మత్వేన అశుద్ధ్యాదిదోషప్రసక్తౌ ఉక్తమ్ -
ద్వావిమావితి ।
పురుషోపాధిత్వాత్ పురుషత్వం న సాక్షాత్ ఇతి వివక్షితత్వాత్ ఆహ -
పురుషావితి ।
పరం పురుషం వ్యావర్తయతి -
భగవత ఇతి ।
తత్ర కార్యలిఙ్గకమ్ అనుమానం సూచయతి -
క్షరాఖ్యస్యేతి ।
మాయాశక్తిం వినా భోక్తౄణాం కర్మాదిసంస్కారాదేవ ఉక్తకార్యోత్పత్తిః ఇత్యాశఙ్క్య, తస్య నిమిత్తత్వేఽపి మాయాశక్తిః ఉపాదానమ్ ఇతి మత్వా ఆహ -
అనేకేతి ।
కామకర్మాదీతి ఆదిశబ్దేన జ్ఞానం గృహ్యతే ।
ప్రకృతిం పురుషం చైవేతి ప్రకృతయోః ఇహ గ్రహణమ్ ఇతి శఙ్కామ్ ఆకాఙ్క్షాద్వారా వారయతి -
కౌ తావితి ।
కూటశబ్దార్థముక్త్వా తేన స్థితస్య కూటస్థతేతి సమ్పిణ్డితార్థమాహ -
అనేకేతి ।
తస్య కథమ్ అక్షరత్వం వినా బ్రహ్మజ్ఞానం అనాశాదిత్యాహ -
సంసారేతి
॥ ౧౬ ॥