अद्वैतशारदा | दक्षिणाम्नाय श्रीशारदापीठम्, शृङ्गेरी

యస్మాత్క్షరమతీతోఽహమక్షరాదపి చోత్తమః ।
అతోఽస్మి లోకే వేదే చ ప్రథితః పురుషోత్తమః ॥ ౧౮ ॥

యస్మాత్ క్షరమ్ అతీతః అహం సంసారమాయావృక్షమ్ అశ్వత్థాఖ్యమ్ అతిక్రాన్తః అహమ్ అక్షరాదపి సంసారమాయారూపవృక్షబీజభూతాదపి చ ఉత్తమః ఉత్కృష్టతమః ఊర్ధ్వతమో వా, అతః తాభ్యాం క్షరాక్షరాభ్యామ్ ఉత్తమత్వాత్ అస్మి లోకే వేదే చ ప్రథితః ప్రఖ్యాతః । పురుషోత్తమః ఇత్యేవం మాం భక్తజనాః విదుః । కవయః కావ్యాదిషు చ ఇదం నామ నిబధ్నన్తి । పురుషోత్తమ ఇత్యనేనాభిధానేనాభిగృణన్తి ॥ ౧౮ ॥

అత ఇతి ;

యస్మాదిత్యస్య అపేక్షితం నిక్షిపతి -

అత ఇతి ।

ఉత్తమః పురుషః ఇతి వాక్యశేషః

॥ ౧౮ ॥