తేజః క్షమా ధృతిః శౌచమద్రోహో నాతిమానితా ।
భవన్తి సమ్పదం దైవీమభిజాతస్య భారత ॥ ౩ ॥
తేజః ప్రాగల్భ్యం న త్వగ్గతా దీప్తిః । క్షమా ఆక్రుష్టస్య తాడితస్య వా అన్తర్విక్రియానుత్పత్తిః, ఉత్పన్నాయాం విక్రియాయామ్ ఉపశమనమ్ అక్రోధః ఇతి అవోచామ । ఇత్థం క్షమాయాః అక్రోధస్య చ విశేషః । ధృతిః దేహేన్ద్రియేషు అవసాదం ప్రాప్తేషు తస్య ప్రతిషేధకః అన్తఃకరణవృత్తివిశేషః, యేన ఉత్తమ్భితాని కరణాని దేహశ్చ న అవసీదన్తి । శౌచం ద్వివిధం మృజ్జలకృతం బాహ్యమ్ ఆభ్యన్తరం చ మనోబుద్ధ్యోః నైర్మల్యం మాయారాగాదికాలుష్యాభావః ; ఎవం ద్వివిధం శౌచమ్ । అద్రోహః పరజిఘాంసాభావః అహింసనమ్ । నాతిమానితా అత్యర్థం మానః అతిమానః, సః యస్య విద్యతే సః అతిమానీ, తద్భావః అతిమానితా, తదభావః నాతిమానితా ఆత్మనః పూజ్యతాతిశయభావనాభావ ఇత్యర్థః । భవన్తి అభయాదీని ఎతదన్తాని సమ్పదం అభిజాతస్య । కింవిశిష్టాం సమ్పదమ్ ? దైవీం దేవానాం యా సమ్పత్ తామ్ అభిలక్ష్య జాతస్య దేవవిభూత్యర్హస్య భావికల్యాణస్య ఇత్యర్థః, హే భారత ॥ ౩ ॥
తేజః క్షమా ధృతిః శౌచమద్రోహో నాతిమానితా ।
భవన్తి సమ్పదం దైవీమభిజాతస్య భారత ॥ ౩ ॥
తేజః ప్రాగల్భ్యం న త్వగ్గతా దీప్తిః । క్షమా ఆక్రుష్టస్య తాడితస్య వా అన్తర్విక్రియానుత్పత్తిః, ఉత్పన్నాయాం విక్రియాయామ్ ఉపశమనమ్ అక్రోధః ఇతి అవోచామ । ఇత్థం క్షమాయాః అక్రోధస్య చ విశేషః । ధృతిః దేహేన్ద్రియేషు అవసాదం ప్రాప్తేషు తస్య ప్రతిషేధకః అన్తఃకరణవృత్తివిశేషః, యేన ఉత్తమ్భితాని కరణాని దేహశ్చ న అవసీదన్తి । శౌచం ద్వివిధం మృజ్జలకృతం బాహ్యమ్ ఆభ్యన్తరం చ మనోబుద్ధ్యోః నైర్మల్యం మాయారాగాదికాలుష్యాభావః ; ఎవం ద్వివిధం శౌచమ్ । అద్రోహః పరజిఘాంసాభావః అహింసనమ్ । నాతిమానితా అత్యర్థం మానః అతిమానః, సః యస్య విద్యతే సః అతిమానీ, తద్భావః అతిమానితా, తదభావః నాతిమానితా ఆత్మనః పూజ్యతాతిశయభావనాభావ ఇత్యర్థః । భవన్తి అభయాదీని ఎతదన్తాని సమ్పదం అభిజాతస్య । కింవిశిష్టాం సమ్పదమ్ ? దైవీం దేవానాం యా సమ్పత్ తామ్ అభిలక్ష్య జాతస్య దేవవిభూత్యర్హస్య భావికల్యాణస్య ఇత్యర్థః, హే భారత ॥ ౩ ॥