अद्वैतशारदा | दक्षिणाम्नाय श्रीशारदापीठम्, शृङ्गेरी

த்³வௌ பூ⁴தஸர்கௌ³ லோகே(அ)ஸ்மிந்தை³வ ஆஸுர ஏவ ச ।
தை³வோ விஸ்தரஶ: ப்ரோக்த ஆஸுரம் பார்த² மே ஶ்ருணு ॥ 6 ॥

த்³வௌ த்³விஸங்க்²யாகௌ பூ⁴தஸர்கௌ³ பூ⁴தாநாம் மநுஷ்யாணாம் ஸர்கௌ³ ஸ்ருஷ்டீ பூ⁴தஸர்கௌ³ ஸ்ருஜ்யேதேதி ஸர்கௌ³ பூ⁴தாந்யேவ ஸ்ருஜ்யமாநாநி தை³வாஸுரஸம்பத்³த்³வயயுக்தாநி இதி த்³வௌ பூ⁴தஸர்கௌ³ இதி உச்யதே, ‘த்³வயா ஹ வை ப்ராஜாபத்யா தே³வாஶ்சாஸுராஶ்ச’ (ப்³ரு. உ. 1 । 3 । 1) இதி ஶ்ருதே: । லோகே அஸ்மிந் , ஸம்ஸாரே இத்யர்த²:, ஸர்வேஷாம் த்³வைவித்⁴யோபபத்தே: । கௌ தௌ பூ⁴தஸர்கௌ³ இதி, உச்யதே — ப்ரக்ருதாவேவ தை³வ ஆஸுர ஏவ ச । உக்தயோரேவ புந: அநுவாதே³ ப்ரயோஜநம் ஆஹ — தை³வ: பூ⁴தஸர்க³: ‘அப⁴யம் ஸத்த்வஸம்ஶுத்³தி⁴:’ (ப⁴. கீ³. 16 । 1) இத்யாதி³நா விஸ்தரஶ: விஸ்தரப்ரகாரை: ப்ரோக்த: கதி²த:, ந து ஆஸுர: விஸ்தரஶ: ; அத: தத்பரிவர்ஜநார்த²ம் ஆஸுரம் பார்த², மே மம வசநாத் உச்யமாநம் விஸ்தரஶ: ஶ்ருணு அவதா⁴ரய ॥ 6 ॥

த்³வாவிதி ; த்³வயா ஹேதி ; ஸர்வேஷாமிதி ;

நிர்த³யாநாம் ரக்ஷஸாம் ஸம்பத் த்ருதீயா அஸ்தி, ஸா கஸ்மாத் ந உக்தா இதி ஆஶங்க்ய ஆஸுர்யாம் அந்தர்பா⁴வாத் இத்யாஹ -

த்³வாவிதி ।

பூ⁴தாநாம் த்³வைவித்⁴யே மாநத்வேந உதூ³கீ³த²ப்³ராஹ்மணம் உதா³ஹரதி -

த்³வயா ஹேதி ।

ஸம்பத்³த்³வயயுதேப்⁴ய: அதிரிக்தாநாம் அபி ப்ராணிபே⁴தா³நாம் ஸம்ப⁴வாத் குத: பூ⁴தாநாம் த்³வித்வநியதி: ? இதி ஆஶங்க்ய ஆஹ -

ஸர்வேஷாமிதி

॥ 6 ॥