శ్రీమద్భగవద్గీతాభాష్యమ్
షోడశోఽధ్యాయః
పూర్వపృష్ఠమ్      ఉత్తరపృష్ఠమ్
ఆనన్దగిరిటీకా (గీతాభాష్య)
 
ప్రవృత్తిం చ నివృత్తిం చ జనా న విదురాసురాః ।
న శౌచం నాపి చాచారో న సత్యం తేషు విద్యతే ॥ ౭ ॥
ప్రవృత్తిం చ ప్రవర్తనం యస్మిన్ పురుషార్థసాధనే కర్తవ్యే ప్రవృత్తిః తామ్ , నివృత్తిం చ ఎతద్విపరీతాం యస్మాత్ అనర్థహేతోః నివర్తితవ్యం సా నివృత్తిః తాం చ, జనాః ఆసురాః న విదుః న జానన్తి । న కేవలం ప్రవృత్తినివృత్తీ ఎవ తే న విదుః, న శౌచం నాపి చ ఆచారః న సత్యం తేషు విద్యతే ; అశౌచాః అనాచారాః మాయావినః అనృతవాదినో హి ఆసురాః ॥ ౭ ॥
ప్రవృత్తిం చ నివృత్తిం చ జనా న విదురాసురాః ।
న శౌచం నాపి చాచారో న సత్యం తేషు విద్యతే ॥ ౭ ॥
ప్రవృత్తిం చ ప్రవర్తనం యస్మిన్ పురుషార్థసాధనే కర్తవ్యే ప్రవృత్తిః తామ్ , నివృత్తిం చ ఎతద్విపరీతాం యస్మాత్ అనర్థహేతోః నివర్తితవ్యం సా నివృత్తిః తాం చ, జనాః ఆసురాః న విదుః న జానన్తి । న కేవలం ప్రవృత్తినివృత్తీ ఎవ తే న విదుః, న శౌచం నాపి చ ఆచారః న సత్యం తేషు విద్యతే ; అశౌచాః అనాచారాః మాయావినః అనృతవాదినో హి ఆసురాః ॥ ౭ ॥

వర్జనీయాం ఆసురీం సమ్పదం వివృణోతి -

ప్రవృత్తిం చేతి ।

తాం విహితాం ప్రవృత్తిం న జానన్తి ఇత్యర్థః । తాం చ నిషిద్ధాం క్రియాం న జానన్తి ఇతి సమ్బన్ధః ।

న శౌచమ్ ఇత్యాదేః తాత్పర్యం ఆహ -

అనాచారా ఇతి ।

శౌచసత్యయోః ఆచారాన్తర్భావేఽపి బాహ్మణపరివ్రాజకన్యాయేన పృథక్ ఉపాదానమ్

॥ ౭ ॥