अद्वैतशारदा | दक्षिणाम्नाय श्रीशारदापीठम्, शृङ्गेरी

అసత్యమప్రతిష్ఠం తే జగదాహురనీశ్వరమ్ ।
అపరస్పరసమ్భూతం కిమన్యత్కామహైతుకమ్ ॥ ౮ ॥

అసత్యం యథా వయమ్ అనృతప్రాయాః తథా ఇదం జగత్ సర్వమ్ అసత్యమ్ , అప్రతిష్ఠం చ న అస్య ధర్మాధర్మౌ ప్రతిష్ఠా అతః అప్రతిష్ఠం చ, ఇతి తే ఆసురాః జనాః జగత్ ఆహుః, అనీశ్వరమ్ న చ ధర్మాధర్మసవ్యపేక్షకః అస్య శాసితా ఈశ్వరః విద్యతే ఇతి అతః అనీశ్వరం జగత్ ఆహుః । కిఞ్చ, అపరస్పరసమ్భూతం కామప్రయుక్తయోః స్త్రీపురుషయోః అన్యోన్యసంయోగాత్ జగత్ సర్వం సమ్భూతమ్ । కిమన్యత్ కామహైతుకం కామహేతుకమేవ కామహైతుకమ్ । కిమన్యత్ జగతః కారణమ్ ? న కిఞ్చిత్ అదృష్టం ధర్మాధర్మాది కారణాన్తరం విద్యతే జగతః ‘కామ ఎవ ప్రాణినాం కారణమ్’ ఇతి లోకాయతికదృష్టిః ఇయమ్ ॥ ౮ ॥

కిం చేతి ; న కిఞ్చిదితి ;

శాస్త్రైకగమ్యమ్ అదృష్టం నిమిత్తీకృత్యప్రకృత్యధిష్ఠాత్రాత్మకేన బ్రహ్మణా రహితం జగత్ ఇష్యతే చేత్ , కథం తదుత్పత్తిః ఇతి ఆశఙ్క్య ఆహ -

కిం చేతి ।

కిమన్యత్ ఇత్యాదేః ఆక్షేపస్య తాత్పర్యం ఆహ -

న కిఞ్చిదితి

॥ ౮ ॥