ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷೋಡಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅಸೌ ಮಯಾ ಹತಃ ಶತ್ರುರ್ಹನಿಷ್ಯೇ ಚಾಪರಾನಪಿ ।
ಈಶ್ವರೋಽಹಮಹಂ ಭೋಗೀ ಸಿದ್ಧೋಽಹಂ ಬಲವಾನ್ಸುಖೀ ॥ ೧೪ ॥
ಅಸೌ ದೇವದತ್ತನಾಮಾ ಮಯಾ ಹತಃ ದುರ್ಜಯಃ ಶತ್ರುಃ । ಹನಿಷ್ಯೇ ಚ ಅಪರಾನ್ ಅನ್ಯಾನ್ ವರಾಕಾನ್ ಅಪಿ । ಕಿಮ್ ಏತೇ ಕರಿಷ್ಯಂತಿ ತಪಸ್ವಿನಃ ; ಸರ್ವಥಾಪಿ ನಾಸ್ತಿ ಮತ್ತುಲ್ಯಃ । ಕಥಮ್ ? ಈಶ್ವರಃ ಅಹಮ್ , ಅಹಂ ಭೋಗೀ । ಸರ್ವಪ್ರಕಾರೇಣ ಚ ಸಿದ್ಧಃ ಅಹಂ ಸಂಪನ್ನಃ ಪುತ್ರೈಃ ನಪ್ತೃಭಿಃ, ನ ಕೇವಲಂ ಮಾನುಷಃ, ಬಲವಾನ್ ಸುಖೀ ಚ ಅಹಮೇವ ; ಅನ್ಯೇ ತು ಭೂಮಿಭಾರಾಯಾವತೀರ್ಣಾಃ ॥ ೧೪ ॥
ಅಸೌ ಮಯಾ ಹತಃ ಶತ್ರುರ್ಹನಿಷ್ಯೇ ಚಾಪರಾನಪಿ ।
ಈಶ್ವರೋಽಹಮಹಂ ಭೋಗೀ ಸಿದ್ಧೋಽಹಂ ಬಲವಾನ್ಸುಖೀ ॥ ೧೪ ॥
ಅಸೌ ದೇವದತ್ತನಾಮಾ ಮಯಾ ಹತಃ ದುರ್ಜಯಃ ಶತ್ರುಃ । ಹನಿಷ್ಯೇ ಚ ಅಪರಾನ್ ಅನ್ಯಾನ್ ವರಾಕಾನ್ ಅಪಿ । ಕಿಮ್ ಏತೇ ಕರಿಷ್ಯಂತಿ ತಪಸ್ವಿನಃ ; ಸರ್ವಥಾಪಿ ನಾಸ್ತಿ ಮತ್ತುಲ್ಯಃ । ಕಥಮ್ ? ಈಶ್ವರಃ ಅಹಮ್ , ಅಹಂ ಭೋಗೀ । ಸರ್ವಪ್ರಕಾರೇಣ ಚ ಸಿದ್ಧಃ ಅಹಂ ಸಂಪನ್ನಃ ಪುತ್ರೈಃ ನಪ್ತೃಭಿಃ, ನ ಕೇವಲಂ ಮಾನುಷಃ, ಬಲವಾನ್ ಸುಖೀ ಚ ಅಹಮೇವ ; ಅನ್ಯೇ ತು ಭೂಮಿಭಾರಾಯಾವತೀರ್ಣಾಃ ॥ ೧೪ ॥

ಯಥೋಕ್ತೇ ಮದಭಿಪ್ರಾಯೇ ಪ್ರತಿಬಂಧಕಃ ಶತ್ರುಃ ಅಪಿ ನ ಸಂಭವತಿ ಇತ್ಯಾಹ -

ಅಸಾವಿತಿ ।

ತ್ವತ್ತೋ ವಿಹೀನಾನಾಂ ತ್ವಯಾ ಪರಿಭವೇಽಪಿ, ತ್ವತ್ತುಲ್ಯಾನಾಂ ಶತ್ರೂಣಾಂ ಪರಿಭವೋ ನಿಶ್ಚಿತೋ ನ ಭವತಿ ಇತಿ ಆಶಂಕ್ಯ ಆಹ -

ಸರ್ವಥೇತಿ ।

ಐಶ್ವರ್ಯಾತಿರೇಕೇಽಪಿ ಕುತಃ ತೇಷಾಂ ಭೋಗಸಾಮರ್ಥ್ಯಮ್ ಇತಿ ಆಶಂಕ್ಯ ಆಹ -

ಅಹಮಿತಿ ।

ಸಿದ್ಧತ್ವಮೇವ ಸ್ಫುಟಯತಿ -

ಸಂಪನ್ನ ಇತಿ ।

ಬಲವಾನ್ - ಓಜಸ್ವೀ । ಸುಖೀ - ರೋಗರಹಿತಃ

॥ ೧೪ ॥