ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷೋಡಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅನೇಕಚಿತ್ತವಿಭ್ರಾಂತಾ ಮೋಹಜಾಲಸಮಾವೃತಾಃ ।
ಪ್ರಸಕ್ತಾಃ ಕಾಮಭೋಗೇಷು ಪತಂತಿ ನರಕೇಽಶುಚೌ ॥ ೧೬ ॥
ಅನೇಕಚಿತ್ತವಿಭ್ರಾಂತಾಃ ಉಕ್ತಪ್ರಕಾರೈಃ ಅನೇಕೈಃ ಚಿತ್ತೈಃ ವಿವಿಧಂ ಭ್ರಾಂತಾಃ ಅನೇಕಚಿತ್ತವಿಭ್ರಾಂತಾಃ, ಮೋಹಜಾಲಸಮಾವೃತಾಃ ಮೋಹಃ ಅವಿವೇಕಃ ಅಜ್ಞಾನಂ ತದೇವ ಜಾಲಮಿವ ಆವರಣಾತ್ಮಕತ್ವಾತ್ , ತೇನ ಸಮಾವೃತಾಃ । ಪ್ರಸಕ್ತಾಃ ಕಾಮಭೋಗೇಷು ತತ್ರೈವ ನಿಷಣ್ಣಾಃ ಸಂತಃ ತೇನ ಉಪಚಿತಕಲ್ಮಷಾಃ ಪತಂತಿ ನರಕೇ ಅಶುಚೌ ವೈತರಣ್ಯಾದೌ ॥ ೧೬ ॥
ಅನೇಕಚಿತ್ತವಿಭ್ರಾಂತಾ ಮೋಹಜಾಲಸಮಾವೃತಾಃ ।
ಪ್ರಸಕ್ತಾಃ ಕಾಮಭೋಗೇಷು ಪತಂತಿ ನರಕೇಽಶುಚೌ ॥ ೧೬ ॥
ಅನೇಕಚಿತ್ತವಿಭ್ರಾಂತಾಃ ಉಕ್ತಪ್ರಕಾರೈಃ ಅನೇಕೈಃ ಚಿತ್ತೈಃ ವಿವಿಧಂ ಭ್ರಾಂತಾಃ ಅನೇಕಚಿತ್ತವಿಭ್ರಾಂತಾಃ, ಮೋಹಜಾಲಸಮಾವೃತಾಃ ಮೋಹಃ ಅವಿವೇಕಃ ಅಜ್ಞಾನಂ ತದೇವ ಜಾಲಮಿವ ಆವರಣಾತ್ಮಕತ್ವಾತ್ , ತೇನ ಸಮಾವೃತಾಃ । ಪ್ರಸಕ್ತಾಃ ಕಾಮಭೋಗೇಷು ತತ್ರೈವ ನಿಷಣ್ಣಾಃ ಸಂತಃ ತೇನ ಉಪಚಿತಕಲ್ಮಷಾಃ ಪತಂತಿ ನರಕೇ ಅಶುಚೌ ವೈತರಣ್ಯಾದೌ ॥ ೧೬ ॥

ಉಕ್ತಪ್ರಕಾರವಿಪರ್ಯಯೇಣ ಕೃತ್ಯಾಕೃತ್ಯವಿವೇಕವಿಕಲಾನಾಂ ಕಿಂ ಸ್ಯಾತ್ ? ಇತಿ ಅಪೇಕ್ಷಾಯಾಂ ಆಹ -

ಅನೇಕೇತಿ ।

ಕಾಮಾಃ - ವಿಷಯಾಃ, ತೇಷಾಂ ಭೋಗೇಷು - ತತ್ಪ್ರಯುಕ್ತೇಷು ಉಪಭೋಗೇಷು ಇತಿ ಯಾವತ್

॥ ೧೬ ॥