ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷೋಡಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯಃ ಶಾಸ್ತ್ರವಿಧಿಮುತ್ಸೃಜ್ಯ
ವರ್ತತೇ ಕಾಮಕಾರತಃ ।
ನ ಸ ಸಿದ್ಧಿಮವಾಪ್ನೋತಿ
ನ ಸುಖಂ ನ ಪರಾಂ ಗತಿಮ್ ॥ ೨೩ ॥
ಯಃ ಶಾಸ್ತ್ರವಿಧಿಂ ಶಾಸ್ತ್ರಂ ವೇದಃ ತಸ್ಯ ವಿಧಿಂ ಕರ್ತವ್ಯಾಕರ್ತವ್ಯಜ್ಞಾನಕಾರಣಂ ವಿಧಿಪ್ರತಿಷೇಧಾಖ್ಯಮ್ ಉತ್ಸೃಜ್ಯ ತ್ಯಕ್ತ್ವಾ ವರ್ತತೇ ಕಾಮಕಾರತಃ ಕಾಮಪ್ರಯುಕ್ತಃ ಸನ್ , ನ ಸಃ ಸಿದ್ಧಿಂ ಪುರುಷಾರ್ಥಯೋಗ್ಯತಾಮ್ ಅವಾಪ್ನೋತಿ, ನ ಅಪಿ ಅಸ್ಮಿನ್ ಲೋಕೇ ಸುಖಂ ನ ಅಪಿ ಪರಾಂ ಪ್ರಕೃಷ್ಟಾಂ ಗತಿಂ ಸ್ವರ್ಗಂ ಮೋಕ್ಷಂ ವಾ ॥ ೨೩ ॥
ಯಃ ಶಾಸ್ತ್ರವಿಧಿಮುತ್ಸೃಜ್ಯ
ವರ್ತತೇ ಕಾಮಕಾರತಃ ।
ನ ಸ ಸಿದ್ಧಿಮವಾಪ್ನೋತಿ
ನ ಸುಖಂ ನ ಪರಾಂ ಗತಿಮ್ ॥ ೨೩ ॥
ಯಃ ಶಾಸ್ತ್ರವಿಧಿಂ ಶಾಸ್ತ್ರಂ ವೇದಃ ತಸ್ಯ ವಿಧಿಂ ಕರ್ತವ್ಯಾಕರ್ತವ್ಯಜ್ಞಾನಕಾರಣಂ ವಿಧಿಪ್ರತಿಷೇಧಾಖ್ಯಮ್ ಉತ್ಸೃಜ್ಯ ತ್ಯಕ್ತ್ವಾ ವರ್ತತೇ ಕಾಮಕಾರತಃ ಕಾಮಪ್ರಯುಕ್ತಃ ಸನ್ , ನ ಸಃ ಸಿದ್ಧಿಂ ಪುರುಷಾರ್ಥಯೋಗ್ಯತಾಮ್ ಅವಾಪ್ನೋತಿ, ನ ಅಪಿ ಅಸ್ಮಿನ್ ಲೋಕೇ ಸುಖಂ ನ ಅಪಿ ಪರಾಂ ಪ್ರಕೃಷ್ಟಾಂ ಗತಿಂ ಸ್ವರ್ಗಂ ಮೋಕ್ಷಂ ವಾ ॥ ೨೩ ॥

ಶಿಷ್ಯತೇ - ಅನುಶಿಷ್ಯತೇ ಬೋಧ್ಯತೇ ಅನೇನ ಅಪೂರ್ವಃ ಅರ್ಥಃ ಇತಿ ಶಾಸ್ತ್ರಮ್ । ತಚ್ಚ ವಿಧಿನಿಷೇಧಾತ್ಮಕಮ್  ಇತಿ ಉಪೇತ್ಯ ವ್ಯಾಚಷ್ಟೇ -

ಕರ್ತವ್ಯೇತಿ ।

ಕಾಮಸ್ಯ ಕರಣಂ ಕಾಮಕಾರಃ, ತಸ್ಮಾತ್ ಹೇತೋಃ ಇತಿ ಉಪೇತ್ಯ ಕಾಮಾಧೀನಾ ಶಾಸ್ತ್ರವಿಮುಖಸ್ಯ ಪ್ರವೃತ್ತಿಃ ಇತಿ ಆಹ -

ಕಾಮೇತಿ ।

ಕಾಮಾಧೀನಪ್ರವೃತ್ತೇಃ ಸದಾ ಪುಮರ್ಥಯೋಗ್ಯಸ್ಯ ಸರ್ವಪುರುಷಾರ್ಥಸಿದ್ಧಿಃ ಇತ್ಯಾಹ -

ನಾಪೀತಿ

॥ ೨೩ ॥