अद्वैतशारदा | दक्षिणाम्नाय श्रीशारदापीठम्, शृङ्गेरी

ఆహారాణాం చ రస్యస్నిగ్ధాదివర్గత్రయరూపేణ భిన్నానాం యథాక్రమం సాత్త్వికరాజసతామసపురుషప్రియత్వదర్శనమ్ ఇహ క్రియతే రస్యస్నిగ్ధాదిషు ఆహారవిశేషేషు ఆత్మనః ప్రీత్యతిరేకేణ లిఙ్గేన సాత్త్వికత్వం రాజసత్వం తామసత్వం చ బుద్ధ్వా రజస్తమోలిఙ్గానామ్ ఆహారాణాం పరివర్జనార్థం సత్త్వలిఙ్గానాం చ ఉపాదానార్థమ్ । తథా యజ్ఞాదీనామపి సత్త్వాదిగుణభేదేన త్రివిధత్వప్రతిపాదనమ్ ఇహ ‘రాజసతామసాన్ బుద్ధ్వా కథం ను నామ పరిత్యజేత్ , సాత్త్వికానేవ అనుతిష్ఠేత్’ ఇత్యేవమర్థమ్ । ఆహ —

ఆహారాణామితి ; రస్యేతి ; తథేతి ;

ఉత్తరశ్లోకపూర్వార్ధతాత్పర్యమ్ ఆహ -

ఆహారాణామితి ।

రస్యాదివర్గస్య సాత్త్వికపురుషప్రియత్వం, కట్వాదివర్గస్య రాజసప్రియత్వం, యాతయామాదివర్గస్య తామసప్రియత్వమితి దర్శనం కుత్ర ఉపయుజ్యతే ? తత్ర ఆహ -

రస్యేతి ।

శ్లోకోత్తరార్ధతాత్పర్యమ్ ఆహ -

తథేతి ।

ఆహారత్రైవిధ్యవత్ ఇతి యావత్ ।