ಶ್ರೀಮದ್ಭಗವದ್ಗೀತಾಭಾಷ್ಯಮ್
ಸಪ್ತದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸತ್ಕಾರಮಾನಪೂಜಾರ್ಥಂ ತಪೋ ದಂಭೇನ ಚೈವ ಯತ್ ।
ಕ್ರಿಯತೇ ತದಿಹ ಪ್ರೋಕ್ತಂ ರಾಜಸಂ ಚಲಮಧ್ರುವಮ್ ॥ ೧೮ ॥
ಸತ್ಕಾರಃ ಸಾಧುಕಾರಃ ‘ಸಾಧುಃ ಅಯಂ ತಪಸ್ವೀ ಬ್ರಾಹ್ಮಣಃ’ ಇತ್ಯೇವಮರ್ಥಮ್ , ಮಾನೋ ಮಾನನಂ ಪ್ರತ್ಯುತ್ಥಾನಾಭಿವಾದನಾದಿಃ ತದರ್ಥಮ್ , ಪೂಜಾ ಪಾದಪ್ರಕ್ಷಾಲನಾರ್ಚನಾಶಯಿತೃತ್ವಾದಿಃ ತದರ್ಥಂ ಚ ತಪಃ ಸತ್ಕಾರಮಾನಪೂಜಾರ್ಥಮ್ , ದಂಭೇನ ಚೈವ ಯತ್ ಕ್ರಿಯತೇ ತಪಃ ತತ್ ಇಹ ಪ್ರೋಕ್ತಂ ಕಥಿತಂ ರಾಜಸಂ ಚಲಂ ಕಾದಾಚಿತ್ಕಫಲತ್ವೇನ ಅಧ್ರುವಮ್ ॥ ೧೮ ॥
ಸತ್ಕಾರಮಾನಪೂಜಾರ್ಥಂ ತಪೋ ದಂಭೇನ ಚೈವ ಯತ್ ।
ಕ್ರಿಯತೇ ತದಿಹ ಪ್ರೋಕ್ತಂ ರಾಜಸಂ ಚಲಮಧ್ರುವಮ್ ॥ ೧೮ ॥
ಸತ್ಕಾರಃ ಸಾಧುಕಾರಃ ‘ಸಾಧುಃ ಅಯಂ ತಪಸ್ವೀ ಬ್ರಾಹ್ಮಣಃ’ ಇತ್ಯೇವಮರ್ಥಮ್ , ಮಾನೋ ಮಾನನಂ ಪ್ರತ್ಯುತ್ಥಾನಾಭಿವಾದನಾದಿಃ ತದರ್ಥಮ್ , ಪೂಜಾ ಪಾದಪ್ರಕ್ಷಾಲನಾರ್ಚನಾಶಯಿತೃತ್ವಾದಿಃ ತದರ್ಥಂ ಚ ತಪಃ ಸತ್ಕಾರಮಾನಪೂಜಾರ್ಥಮ್ , ದಂಭೇನ ಚೈವ ಯತ್ ಕ್ರಿಯತೇ ತಪಃ ತತ್ ಇಹ ಪ್ರೋಕ್ತಂ ಕಥಿತಂ ರಾಜಸಂ ಚಲಂ ಕಾದಾಚಿತ್ಕಫಲತ್ವೇನ ಅಧ್ರುವಮ್ ॥ ೧೮ ॥

ರಾಜಸಂ ತಪಃ ನಿರ್ದಿಶತಿ -

ಸತ್ಕಾರೇತಿ ।

ಸಾಧುಕಾರಮೇವ ಆಸ್ಫೋರಯತಿ । ಸಾಧುರಿತಿ- ದಂಭೇನ ಚೈವ - ನಾಸ್ತಿಕ್ಯೇನ, ಕೇವಲಧರ್ಮಧ್ವಜಿತ್ವೇನ ಇತ್ಯರ್ಥಃ । ತತ್ ಇಹ ಪ್ರೋಕ್ತಂ - ಅಸ್ಮಿನ್ನೇವ ಲೋಕೇ ಫಲಪ್ರದಮ್ ಇತ್ಯರ್ಥಃ । ಕಾದಾಚಿತ್ಕಫಲತ್ವಂ - ಕ್ಷಣಿಕಫಲತ್ವಮ್ । ಅಧ್ರುವಂ - ಅನಿಯತಂ, ಅನೈಕಾಂತಿಕಫಲಮ್ ಇತಿ ಯಾವತ್

॥ ೧೮ ॥