अद्वैतशारदा | दक्षिणाम्नाय श्रीशारदापीठम्, शृङ्गेरी

యజ్ఞే తపసి దానే చ స్థితిః సదితి చోచ్యతే ।
కర్మ చైవ తదర్థీయం సదిత్యేవాభిధీయతే ॥ ౨౭ ॥

యజ్ఞే యజ్ఞకర్మణి యా స్థితిః, తపసి చ యా స్థితిః, దానే చ యా స్థితిః, సా సత్ ఇతి చ ఉచ్యతే విద్వద్భిః । కర్మ చ ఎవ తదర్థీయం యజ్ఞదానతపోర్థీయమ్ ; అథవా, యస్య అభిధానత్రయం ప్రకృతం తదర్థీయం యజ్ఞదానతపోర్థీయమ్ ఈశ్వరార్థీయమ్ ఇత్యేతత్ ; సత్ ఇత్యేవ అభిధీయతే । తత్ ఎతత్ యజ్ఞదానతపఆది కర్మ అసాత్త్వికం విగుణమపి శ్రద్ధాపూర్వకం బ్రహ్మణః అభిధానత్రయప్రయోగేణ సగుణం సాత్త్వికం సమ్పాదితం భవతి ॥ ౨౭ ॥

యజ్ఞే ఇతి ; తదేతదితి ;

ప్రకారాన్తరేణ సచ్ఛబ్దస్య వినియోగమ్ ఆహ -

యజ్ఞే ఇతి ।

నామత్రయోచ్చారణేన సాద్గుణ్యం సిద్ధ్యతి ఇతి ప్రకరణార్థమ్ ఉపసంహరతి -

తదేతదితి

॥ ౨౭ ॥