కామ్యాని వర్జయిత్వా నిత్యనైమిత్తికాని ఫలాభిలాపాత్ ఋతే, కర్తవ్యాని ఇతి అక్తం పక్షం ప్రతిపక్షనిరాసేన ద్రఢయితుం విప్రతిపత్తిమ్ ఆహ -
త్యాజ్యమితి ।
కర్మణః సర్వస్య దోషవత్త్వే హేతుమ్ ఆహ -
బన్ధేతి ।
దోషవత్ ఇత్యేతత్ దృష్టాన్తత్వేన వ్యాచష్టే -
అథవేతి ।
కర్మణి అనధికృతానామ్ అకర్మిణామేవ కర్మ త్యాజ్యం, కర్మిణాం తత్త్యాగే ప్రత్యవాయాత్ , ఇతి ఆశఙ్క్య ఆహ -
అధికృతానామితి ।
న హి తేషామపి కర్మ త్యజతాం ప్రత్యవాయః, హింసాదియుక్తస్య కర్మణః అనుష్ఠానే పరం ప్రత్యవాయాత్ ఇతి భావః । సాఙ్ఖ్యాదిపక్షసమాప్తౌ ఇతిశబ్దః ।
మీమాంసకపక్షమాహ -
తత్రైవేతి ।
కర్మాధికృతేష్వేవ ఇతి యావత్ ।